Tórtkúlde "Sabır qanatı" kitabınıń prezentaciyası ótkerildi
2026-04-14 14:00:00 / Министрлик
Tórtkúlde "Sabır qanatı" kitabınıń prezentaciyası ótkerildi
"Kitapqumar millet" súreni astında ótkerilip atırǵan VI Respublikalıq "Kitapqumarlıq hápteligi"niń ekinshi kúni Tórtkúl rayonı Málimleme-kitapxana orayında ádebiy keshe menen dawam etti.
Ilaj sheńberinde Ózbekstan Jazıwshılar awqamınıń aǵzası, dóretiwshi Tair Ruziboevtıń "Sabır qanatı" atamasındaǵı jańa kitabınıń prezentaciyası bolıp ótti.
Kitapxana qánigesi, shayır Munavvara YUsupova basshılıǵında ótken ilajda ádebiyat hám kórkem óner ǵayratkerleri, sonıń ishinde, Qaraqalpaqstan Respublikasına xızmet kórsetken jurnalist Q.YUnusova, "Tórtkúlnama" gazetasınıń redaktorı, shayır Uǵiljan Nurullaeva hám avtordıń ustazları, kásiplesleri hám jaqınları qatnastı.
Ilaj dawamında qatnasıwshılar avtordı jańa kitabı hám jaqında Ózbekstan Jazıwshılar awqamınıń aǵzalıǵına qabıl etilgeni menen qızǵın qutlıqladı.
Óz ornında Toir Rwziboev óziniń jańa shıǵarmalarınan kitapxana fondına hám ilaj qatnasıwshılarına estelik sıpatında sawǵa etti.
Ilaj sońında Tórtkúl rayonı AKM direktorı U.Matniyazov dóretiwshige belsene birge islesiwi hám kitapqumarlıqtı úgit-násiyatlawdaǵı úlesi ushın minnetdarshılıq bildirip, "Alǵısnama" tapsırdı.