Tórtkúl rayonı hákimliginde rayonda kámbaǵallıqtı qısqartıw baǵdarında ámelge asırılıp atırǵan hám rejelestirilgen tiykarǵı wazıypalarǵa qaratılǵan keńeytilgen májilis bolıp ótti
2026-03-30 10:00:00 / Министрлик
Tórtkúl rayonı hákimliginde rayonda kámbaǵallıqtı qısqartıw baǵdarında ámelge asırılıp atırǵan hám rejelestirilgen tiykarǵı wazıypalarǵa qaratılǵan keńeytilgen májilis bolıp ótti.
Májilisti Qaraqalpaqstan Respublikası Ministrler Keńesiniń Baslıǵı Farxod Ermanov alıp bardı. Ilajda rayon hákimi I.Xudaybergenov, Qaraqalpaqstan Respublikası ministrlikleri hám uyımlarınıń juwapkerleri, hákim orınbasarları, taraw basshıları hám máhálle belsendileri qatnastı.
Ózbekstan Respublikası Prezidentiniń 06.03.2026-jıldaǵı "Jipekshilik tarawın jańa sistema tiykarında rawajlandırıw hám ot-jem bazasın bekkemlewge baylanıslı qosımsha ilajlar haqqında"ǵı PQ-87-sanlı qararınıń orınlanıwı boyınsha tapsırmalar berildi.
Bunnan tısqarı, Máhállelerde "Bir kontur — bir ónim" principi tiykarında diyqanshılıqtı shólkemlestiriw, xalıqtıń qıytaq jerinde azıq-awqat ónimlerin egiw jumısların jedellestiriw, sharwashılıq baǵdarında jeńilletilgen kreditler ajıratıw, xalıqtı násilli mal, qoy-eshki hám qus jetistiriw arqalı bántligin támiyinlew hám dáramatın arttırıw maqsetinde xalıqqa jetkerip beriwdi jedellestiriw sıyaqlı máseleler boyınsha tapsırmalar berildi.