Qaraqalpaqstan Respublikası Tórtkúl rayonı hákimligi

XALIQ DEPUTATLARI RAYONLIQ KEŃESINIŃ GEZEKTEGI 23-SESSIYASI BOLIP ÓTTI

Xalıq deputatları Tórtkúl rayonlıq Keńesiniń gezektegi sessiyası bolıp ótti. Sessiyaǵa Xalıq deputatları rayonlıq Keńesi, Joqarǵı Keńes deputatları, tiyisli shólkemlerdiń juwapkerleri hám ǵalaba xabar qurallarınıń wákilleri qatnastı. Sessiya májilisin Xalıq deputatları rayonlıq Keńesiniń baslıǵı R.Abdullaev basqarıp bardı.
Sessiya kún tártibinde tómendegi máseleler kórip shıǵıldı:
1. Tórtkúl rayonı prokurorınıń Jınayachılıq hám nızamshılıq jaǵdayı hám Ózbekstan Respublikası Prezidentiniń 2025-jıl 3-yanvardaǵı "2025-jılda Respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında"ǵı PQ-1-sanlı qararınıń orınlanıwı boyınsha rayonda alıp barılıp atırǵan jumıslar haqqında rayon prokurorınıń orınbasarı O.Yuldashev málimlemesi.
2. Rayon aymaǵında 2026-jıldıń 2-ayı dawamında júz bergen jınayachılıq hám huqıqbuzarlıqlardıń analizi hám olardıń aldın alıw boyınsha rayonlıq ishki isler bólimi hám birge islesiwshi shólkemler tárepinen ámelge asırılǵan jumıslar boyınsha rayonlıq ishki isler bólimi baslıǵı M.Muratovtıń esabatı.

3. Tórtkúl rayonında 2026-jıl 1-máwsimde Puqaralar baslaması qorı qarjıları esabınan "Ashıq byudjet" málimleme portalı arqalı eń kóp dawıs toplaǵan usınıslar ushın qarjılar ajıratıw haqqında.
4.Ózbekstan Respublikası Prezidentiniń 2025-jıl 30-yanvardaǵı "Xalıqtı sociallıq qorǵaw sistemasın qarjılandırıw tártip-qaǵıydaların jetilistiriw haqqında"ǵı PP-17-sanlı Pármanına tiykarlanıp shólkemlestirilgen "Infrastruktura hám sociallıq turaqlılıq" qorınıń qarjıları esabınan qarjı ajıratıw haqqında.
5. Tórtkúl rayonı jergilikli byudjetiniń 2025-jıldıń erkin qaldıq qarjıları esabınan qarjı ajıratıw boyınsha rayon hákimliginiń usınısın kórip shıǵıw haqqında rayonlıq Ekonomika hám qarjı bólimi baslıǵınıń birinshi orınbasarı B.Matchanovtıń bayanatı tıńlandı.
6. Tórtkúl rayonı hákimliginde atqarıw tártibine ámel etiw jaǵdayı haqqında rayon hákimliginiń atqarıw tártibi bas qánigesi S.Xudayshukurov shıǵıp sóyledi.
7. 2025-jıl dawamında rayonda ekologiya hám qorshaǵan ortalıqtı qorǵaw tarawında ámelge asırılǵan jumıslar boyınsha Qaraqalpaqstan Respublikası Ekologiya hám klimat ózgeriwi komitetiniń Tórtkúl rayonlıq bóliminiń baslıǵı A.Zaripov esabat berdi.
Bayanatshılar shıǵıp sóylegen sózlerden keyin deputatlar hám sessiya qatnasıwshıları tárepinen tema boyınsha sorawlar, pikir-usınıslar bildirildi.
Xalıq deputatları rayonlıq Keńesiniń jigirma úshinshi sessiyasınıń kún tártibindegi barlıq máseleler kórip shıǵıldı hám bildirilgen pikir-usınıslardı inabatqa alǵan halda tiyisli qarar joybarları tastıyıqlandı.