"Isbilermen - elge mádetker: Isbilermen hayal-qızlarǵa jaratılıp atırǵan imkaniyatlar hám nátiyjeler"
2026-03-25 11:00:00 / Баспасөз әнжуманлары
"Isbilermen - elge mádetker: Isbilermen hayal-qızlarǵa jaratılıp atırǵan imkaniyatlar hám nátiyjeler"
Búgin Tórtkúl rayonı hákimliginde ótkerilgen baspasóz ánjumanınıń bas ideyası "Isbilermen hayal - jámiettiń tayanıshı hám tek ǵana abadanlıq dáregi" mazmunında boldı. Jańa Ózbekstannıń rawajlanıw strategiyası sheńberinde shólkemlestirilgen ilajda "Isbilermen - elge mádetker: Isbilermen hayal-qızlarǵa jaratılıp atırǵan imkaniyatlar hám nátiyjeler" teması hár tárepleme dodalandı.
Ilajda rayon hákiminiń orınbasarı I.Jumabaeva hayal-qızlar isbilermenligi baǵdarında ámelge asırılǵan jumıslar hám keleshektegi rejeleri menen ortaqlastı.
Baspasóz ánjumanı sheńberinde óz biznesin jolǵa qoyıp, tek ǵana shańaraǵın emes, al máhálledegi hayal-qızlardı da jumıs penen támiyinlep atırǵan isbilermen hayal-qızlardıń tabıslı gúrrińleri tıńlandı.
Sonday-aq, ǴXQ wákilleri hám blogerler (QQTV, "Twrtkwlnoma," "Mekan," Kar24.uz) tarawdaǵı áhmietli sorawlarǵa juwap aldı.
Ánjuman juwmaǵında tek ǵana mashqalalar aytıp ǵana qalmastan, al olardıń sheshimi sıpatında jumıssız hayal-qızlardı kásipke baǵdarlaw boyınsha arnawlı ámeliy seminarlar shólkemlestiriwge kelisip alındı.
Bir hayaldı isbilermen etiw - pútkil bir shańaraqtı abadan etiw degen sóz.