"Jańa Ózbekstan olimpiada shıńları" sheńberinde sport jarıslarına start berildi
2026-03-24 12:00:00 / Министрлик
"Jańa Ózbekstan olimpiada shıńları" sheńberinde sport jarıslarına start berildi
Búgin Tórtkúl rayonındaǵı Sport mektebinde jaslar arasındaǵı abıraylı sport jarısları - "Jańa Ózbekstan olimpiada shıńları" hám "Prezident olimpiadası" sheńberinde ótkerilip atırǵan "Rayon hákimi olimpiadası" sport jarısınıń saltanatlı ashılıw máresimi bolıp ótti.
Ilajda rayon hákimi I.Xudaybergenov shıǵıp sóylep, mámleketimizde jaslardı sportqa keńnen tartıw, olardıń bos waqıtların mazmunlı shólkemlestiriw hám salamat áwladtı tárbiyalawǵa ayrıqsha itibar qaratılıp atırǵanlıǵın atap ótti.
Bul jarıs jaslar arasında salamat turmıs tárizin úgit-násiyatlaw, olardıń sportqa bolǵan qızıǵıwshılıǵın jáne de arttırıw hám qábiletli sporchılardı anıqlaw maqsetinde shólkemlestirilmekte.