🌸 NAWRÍZ SAWǴASÍ: "GULISTON" MÁHÁLLESINDE JAŃA BAQSHA ASHÍLDÍ
2026-03-19 11:00:00 / Министрлик
🌸 NAWRÍZ SAWǴASÍ: "GULISTON" MÁHÁLLESINDE JAŃA BAQSHA ASHÍLDÍ
Elimizde Nawrız keypiyatı gezip júrgen usı kúnlerde Tórtkúl rayonında jas áwladtıń kamalǵa keliwi jolındaǵı jáne bir iygilikli jumıs juwmaǵına jetti.
"Gúlistan" MPJ aymaǵında Prezidentimizdiń PQ-454 sanlı qararınıń orınlanıwı sheńberinde zamanagóy mektepke shekemgi bilimlendiriw shólkemi paydalanıwǵa tapsırıldı.
Ashılıw máresiminde rayon hákimi I.Xudaybergenov qatnasıp, máhálle xalqın qos bayram - hám Nawrız, hám jańa mektepke shekemgi bilimlendiriw mákemesiniń ashılıwı menen qutlıqladı.
"Bunday zamanagóy baqshalar tek ǵana balalar ushın súyikli orın emes, al sapalı bilimlendiriw hám tárbiyanıń bekkem tiykarı bolıp xızmet etedi," - dedi rayon basshısı.
Jańa baqshada ıqsham hám keń oyın xanaları, zamanagóy inventarlar menen úskenelengen toparlar, atap aytqanda, balalardıń salamat bolıp ósiwi ushın barlıq qolaylıqlar jaratılǵan.
Búgingi saltanat tek ǵana "Gúlistan" máhállesi xalqınıń emes, al keleshegimiz ieleri bolǵan balalardıń quwanıshına quwanısh qostı.
Sebebi, perzentlerimizdiń bárkamal kamalǵa keliwi ushın kórsetilip atırǵan bunday ǵamxorlıq - erteńgi kúnimizge bolǵan isenimniń kórinisi bolıp esaplanadı.