JASLAR TÁLIM-TÁRBIYASÍ HÁM SOCIALLÍQ QORǴAW - TIYKARǴÍ WAZÍYPALAR
2026-03-13 10:00:00 / Министрлик
JASLAR TÁLIM-TÁRBIYASÍ HÁM SOCIALLÍQ QORǴAW - TIYKARǴÍ WAZÍYPALAR
Tórtkúl rayonında Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Axmedovanıń qatnasıwında keńeytilgen májilis bolıp ótti.
Májiliste tiykarǵı itibar jas óspirimler, atap aytqanda, qızlar arasında unamsız jaǵdaylardıń aldın alıw hám olardı sociallıq qollap-quwatlaw máselelerine qaratıldı.
Ilaj dawamında rayondaǵı bar mekteplerde sociallıq qorǵawǵa mútáj bolǵan kategoriyadaǵı qızlar anıqlanıp, olardıń tolıq dizimi qáliplestirilip, hár bir oqıwshı qızǵa rayondaǵı juwapker basshılar "atalıqqa" biriktirildi. Endi hár bir basshı ózine biriktirilgen qızdıń táǵdiri hám mashqalaları ushın jeke juwapker boladı.
Májilis dawamında qızlardıń sociallıq mashqalaların máhálle dárejesinde sheshiw, hár bir múrájatqa ayrıqsha qatnas jasaǵan halda járdem beriw boyınsha sistemalı tapsırmalar berildi.