XALIQ DEPUTATLARI RAYONLIQ KEŃESINIŃ GEZEKTEGI 22-SESSIYASI BOLIP ÓTTI.
2026-02-27 17:00:00 / Министрлик
XALIQ DEPUTATLARI RAYONLIQ KEŃESINIŃ GEZEKTEGI 22-SESSIYASI BOLIP ÓTTI.
️Xalıq deputatları Tórtkúl rayonlıq Keńesiniń gezektegi sessiyası bolıp ótti. Sessiyaǵa Xalıq deputatları rayonlıq Keńesi, Joqarǵı Keńes deputatları hám Oliy Majlis Nızamshılıq palatasınıń deputatı R.Mamutov, tiyisli shólkemlerdiń juwapkerleri hám ǴXQ wákilleri qatnastı. Sessiya májilisin Xalıq deputatları rayonlıq Keńesiniń Baslıǵı R.Abdullaev basqarıp bardı.
Kún tártibinde tómendegi máseleler kórip shıǵıldı:
1. Mektepke shekemgi hám mektep bilimlendiriwi bólimi tárepinen 2025-jılı alıp barılǵan jumıslar hám 2026-jılǵa belgilengen rejeler, aymaqtaǵı bilimlendiriw mákemelerine qatnasıw imkaniyatı bolmaǵan mayıplıǵı bolǵan balalardıń úyde jeke tártipte bilim alıwı hám olardı arnawlı ádebiyat hám qollanbalar menen támiyinlengenlik jaǵdayı, Qaraqalpaqstan Respublikası Joqarǵı Keńesi Prezidiumınıń 2025-jıl 17-dekabrdegi 521-sanlı qararına tiykarlanıp Mektepke shekemgi hám mektep bilimlendiriwi bólimin reformalaw hám rawajlandırıw baǵdarında ámelge asırılıp atırǵan jumısları haqqında.
2. Rayonlıq Medicinalıq birlespesi tárepinen 2025-jılı alıp barılǵan jumısları hám 2026-jılǵa belgilengen rejeleri, aymaqta densawlıqtı saqlawdı rawajlandırıwǵa baylanıslı mámleketlik baǵdarlamalardıń orınlanıwı, kesellikler profilaktikasınıń jaǵdayı, salamat turmıs tárizi hám durıs awqatlanıwdı qáliplestiriw, sonday-aq, densawlıqtı saqlawdıń tiykarǵı kórsetkishleri, Ózbekstan Respublikası Prezidentiniń 2025-jıl 19-maydaǵı "2025-2030-jıllarda balalar rak keselligine qarsı gúresiw boyınsha Ózbekstan Respublikası milliy strategiyasın ámelge asırıw ilajları haqqında"ǵı PQ-186-sanlı qararında belgilengen wazıypalardıń orınlanıwı haqqında.
3. Tórtkúl rayonı qurılıs hám turaq jay kommunallıq xojalıǵı tarawında korrupciyaǵa qarsı gúresiw hám korrupciyalıq faktorlardıń aldın alıw boyınsha kórilip atırǵan ilajlar haqqında.
Tórtkúl rayonı aymaǵındaǵı kóp kvartiralı turaq jaylardıń tutas jer maydanlarında infrastruktura obektlerin qurıw, rekonstrukciyalaw hám kóp kvartiralı turaq jaylardı ońlaw jumısların ámelge asırıw ushın mánzilli baǵdarlama haqqında.
Tórtkúl rayonı jergilikli byudjetiniń 2025-jıldıń bos qaldıq qarjıları esabınan qarjı ajıratıw boyınsha rayon hákimliginiń usınısın kórip shıǵıw haqqında.
6. 2026-jılı Tórtkúl rayonı boyınsha alkogol ónimlerin realizaciyalaw huqıqı jáne ulıwma awqatlanıw kárxanaları tárepinen alkogol ónimlerin realizaciyalaw ushın jıyımlardıń sheklengen stavkaların arttırıw haqqında.
7. Ózbekstan Respublikası Prezidentiniń 2026-jıl 5-fevraldaǵı "2026-jılı aymaqlardı jańasha kózqaraslar tiykarında rawajlandırıw arqalı xalıqtıń dáramatın arttırıw, turaqlı jumıs orınların jaratıw jáne kámbaǵallıqtı qısqartıw ilajları haqqında"ǵı PQ-49-sanlı qararı jáne Qaraqalpaqstan Respublikası Ministrler Keńesiniń 2026-jıl 14-fevraldaǵı 101-13-0-Q/26-sanlı qararınıń orınlanıwın nátiyjeli shólkemlestiriw hám támiyinlew haqqında.
8. Qaraqalpaqstan Respublikası Joqarǵı Keńesi Baslıǵınıń 2026-jıl 2-fevraldaǵı "Ganiev Arslon Rustamovichti Tórtkúl rayonı hákiminiń qurılıs, tosıqlarsız ortalıq jaratıw, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı - Abadanlastırıw basqarmasınıń baslıǵı lawazımına tayınlaw haqqında"ǵı 285/1-B-sanlı biyligin tastıyıqlaw haqqında.
Bayanatshılar shıǵıp sóylegen sózlerden keyin deputatlar hám sessiya qatnasıwshıları tárepinen tema boyınsha sorawlar, pikir-usınıslar bildirildi.
Xalıq deputatları rayonlıq Keńesiniń jigirma ekinshi sessiyasınıń kún tártibindegi barlıq máseleler kórip shıǵıldı hám bildirilgen pikir-usınıslardı inabatqa alǵan halda tiyisli qarar joybarları tastıyıqlandı.