XALIQ DEPUTATLARI RAYONLIQ KEŃESINIŃ GEZEKTEGI 21-SESSIYASI BOLIP ÓTTI.
2026-02-12 16:00:00 / Министрлик
XALIQ DEPUTATLARI RAYONLIQ KEŃESINIŃ GEZEKTEGI 21-SESSIYASI BOLIP ÓTTI.
Xalıq deputatları Tórtkúl rayonlıq Keńesiniń gezektegi jigirma birinshi sessiyası bolıp ótti. Sessiyaǵa xalıq deputatları rayonlıq Keńesi hám Joqarǵı Keńesiniń deputatları, tiyisli shólkemlerdiń juwapkerleri hám ǵalaba xabar qurallarınıń wákilleri qatnastı. Sessiya májilisin Xalıq deputatları rayonlıq Keńesiniń Baslıǵı R.Abdullaev basqarıp bardı.
Sessiya kún tártibinde tómendegi máseleler kórip shıǵıldı:
Ózbekstan Respublikası Ministrler Kabinetiniń 2024-jıl 11-oktyabrdegi 665-sanlı qararına tiykarlanıp Tórtkúl rayonındaǵı ishki jollardı saqlaw hám aǵımdaǵı ońlaw jumısları boyınsha 2026-jıl ushın mánzilli dizim haqqında
2. Tórtkúl rayonı Kámbaǵallıqtı qısqartıw hám bántlikke kómeklesiw bólimi tárepinen 2025-jılı orınlanǵan jumıslar hámde 2026-jılı ámelge asırılatuǵın jumıslar haqqında.
3. 2026-jılı Tórtkúl rayonındaǵı "Jańa Ózbekstan" kórinisindegi máhálleler hám awır kategoriyadaǵı máhállelerdi kompleksli rawajlandırıw ilajları baǵdarlamasın tastıyıqlaw haqqında.
Bayanatshılar shıǵıp sóylegen sózlerden keyin deputatlar hám sessiya qatnasıwshıları tárepinen tema boyınsha sorawlar, pikir-usınıslar bildirildi.
Xalıq deputatları rayonlıq Keńesiniń jigirma birinshi sessiyasınıń kún tártibindegi barlıq máseleler kórip shıǵıldı hám bildirilgen pikir-usınıslardı inabatqa alǵan halda tiyisli qarar joybarları tastıyıqlandı.