Qaraqalpaqstan Respublikası Tórtkúl rayonı hákimligi

XALIQ DEPUTATLARI TÓRTKÚL RAYONLIQ KEŃESINIŃ GEZEKTEGI SESSIYASI BOLIP ÓTTI

🏴Xalıq deputatları Tórtkúl rayonlıq Keńesiniń gezektegi jigirmalanshı sessiyası bolıp ótti. Sessiyaǵa xalıq deputatları rayonlıq Keńesiniń deputatları, tiyisli shólkemlerdiń juwapkerleri hám ǵalaba xabar qurallarınıń wákilleri qatnastı. Sessiya májilisin Xalıq deputatları rayonlıq Keńesiniń Baslıǵı R.Abdullaev basqarıp bardı. Sessiya kún tártibinde tómendegi máseleler kórip shıǵıldı:
Tórtkúl rayonı prokuraturası tárepinen 2025-jıl dawamında aymaqta nızamshılıqtı bekkemlew, puqaralardıń huqıq hám erkinlikleri, jámiet hám mámleket máplerin qorǵaw boyınsha ámelge asırılǵan jumıslar haqqında rayon prokurorı N.Djolamanov bayanat jasadı.
Tórtkúl rayonında 2025-jıl dawamında jınayachılıq hám huqıqbuzarlıqlardıń aldın alıw boyınsha ámelge asırılǵan jumıslar, sonday-aq, júz bergen awır hám oǵada awır túrdegi jınayıy jaǵdaylar boyınsha rayonlıq ishki isler bólimi baslıǵı M.Muratovtıń esabatı tıńlandı.
Tórtkúl rayonı Salıq inspekciyasınıń 2025-jıl dawamında ámelge asırılǵan jumısları boyınsha rayonlıq Salıq inspekciyası baslıǵı J.Annayevtiń esabatı tıńlandı.
Bunnan soń rayon jergilikli byudjetiniń 2025-jıldaǵı orınlanıwı, byudjet procesinde puqaralardıń belsene qatnasıwın támiyinlew maqsetinde rayon "Baslamalı byudjet" procesiniń 2025-jıl orınlanıwı hám 2026-jıl qárejetleri qarjıları hám jıl dawamında qáliplesetuǵın qosımsha dárekler qarjıların baslamalı byudjet procesiniń 2026-jıl 1-2-máwsimi ushın "Puqaralar baslaması qorı"na qaratıw haqqında, Xalıq deputatları Tórtkúl rayonlıq Keńesiniń 2025-jıl 25-yanvar kúngi VII-5-4-13-190-K/25-sanlı qararınıń 2-qosımshası Jámietlik pikir tiykarında ilajlardı qáliplestiriw, bahalaw, tańlap alıw hám orınlanıwın monitoring etiw boyınsha jumısshı komissiya quramına ózgeris kirgiziw haqqında hám rayonda 2026-jıl drayver joybarların tastıyıqlaw temaları boyınsha rayonlıq Ekonomika hám qarjı bólimi baslıǵınıń birinshi orınbasarı B.Matchanov bayanat jasadı.
Ózbekstan Respublikası Prezidentiniń 2025-jıl 30-yanvardaǵı "Xalıqtı sociallıq qorǵaw sistemasın qarjılandırıw tártip-qaǵıydaların jetilistiriw haqqında"ǵı PP-17-sanlı Pármanına tiykarlanıp shólkemlestirilgen "Infrastruktura hám sociallıq turaqlılıq" qorınıń qarjıları esabınan qarjı ajıratıw haqqında "Insan" sociallıq xızmetler orayı rayonlıq bóliminiń baslıǵı X.Matnazarovtıń shıǵıp sóylegen sózi tıńlandı.
Rayonlıq Ádillik bólimi baslıǵınıń 2025-jıl dawamında rayondaǵı mámleketlik uyımlar hám shólkemlerdiń nızam dóretiwshiligi hám huqıqtı qollanıw ámeliyatınıń jaǵdayı boyınsha rayonlıq Ádillik bólimi bas qánigesi I.Kurbanbaevtıń málimlemesi tıńlandı.
Xalıq deputatları Tórtkúl rayonlıq Keńesiniń hám turaqlı komissiyalarınıń 2026-jılǵa mólsherlengen jumıs rejesi jáne Xalıq deputatları Tórtkúl rayonlıq Keńesiniń turaqlı komissiyalarınıń quramına ózgeris kirgiziw haqqında Xalıq deputatları rayonlıq Keńesi sekretariatınıń baslıǵı B.Masharipov bayanat jasadı.
Tórtkúl rayonı hákimi I.Xudaybergenovtıń rayondı 2025-jılda sociallıq-ekonomikalıq rawajlandırıw juwmaqları hám 2026-jılǵa mólsherlengen sociallıq-ekonomikalıq rawajlandırıw baǵdarlamasınıń eń áhmietli tiykarǵı baǵdarları haqqındaǵı esabatı tıńlandı.
Sessiya májilisinde deputatlar ózlerin qızıqtırǵan máseleler boyınsha sorawlar berip, óz usınısların kirgizdi.
Sessiya dawamında kún tártibindegi barlıq máseleler tolıq kórip shıǵılıp, deputatlar tiyisli qarar qabıl etti.