#Búgin_Jaslar_kúni
2026-02-26 14:55:00 / Министрлик
#Búgin_Jaslar_kúni
Mámleketimizde Prezidentimizdiń baslaması menen hár hápteniń piyshembi kúni "Jaslar kúni" ótkeriliwi belgilendi. Bul kúnde tarawǵa juwapker basshılar máhálle, mektep hám texnikumlarǵa shıǵıp, jaslardıń múrájat hám mashqalaların tıńlap, sheshim tabıwı kerek boladı.
Búgin Qaraqalpaqstan Respublikası Ministrler Keńesiniń Baslıǵı Farxod Ermanov Tórtkúl rayonı jasları menen ushırasıw ótkerip, olardıń usınıs hám baslamaların tıńladı. Ashıqtan-ashıq sóylesiw túrinde shólkemlestirilgen ilajda jaslardı qollap-quwatlaw, olardıń bántligin támiyinlew, bilimlendiriw hám isbilermenlik jumısın rawajlandırıw máseleleri hár tárepleme dodalandı.
Ushırasıw dawamında jaslarǵa say sawda-servis joybarların ámelge asırıw, olardıń bilim alıwı, sport penen shuǵıllanıwı, kásip hám til úyreniwi, isbilermenlik penen shuǵıllanıwı hám basqa da tarawlar boyınsha búgingi kúnde mámleketimiz tárepinen jaratılıp berilip atırǵan imkaniyatlar haqqında tolıq maǵlıwmatlar berildi.
Ashıq hám kóterińki ruwxta ótken ushırasıwda jaslarımız Ministrler Keńesiniń Baslıǵına ózleriniń usınıs hám baslamaların bildirip ótti. Bul baslamalardı esapqa alıp, jaslardıń ideya hám joybarların ámelge asırıw boyınsha tiyisli shólkemlerge anıq wazıypalar belgilep berildi.
Ilaj juwmaǵında Ministrler Keńesiniń Baslıǵı jaslar menen birge islesiwdi bunnan bılay da bekkemlew, olardıń baslamaların qollap-quwatlaw hám áhmiyetli máselelerdi sistemalı sheshiw boyınsha jumıslar dawam ettiriletuǵının atap ótti.