Tórtkúl rayonında xalıqtıń mápleri jolında jańa imkaniyatlar: Sapalı kómir támiynatı jolǵa qoyıldı
2026-02-21 10:00:00 / Министрлик
Tórtkúl rayonında xalıqtıń mápleri jolında jańa imkaniyatlar: Sapalı kómir támiynatı jolǵa qoyıldı
Mámleketimizde isbilermenlikti qollap-quwatlaw arqalı xalıqtıń abadanlıǵın arttırıw tiykarǵı wazıypaǵa aylanǵan. Atap aytqanda, Prezidentimizdiń "Qaraqalpaqstan Respublikasında isbilermenlik, innovaciyalıq texnologiyalar hám infrastrukturalardı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında"ǵı PP-213-sanlı Pármanınıń orınlanıwı sheńberinde Tórtkúl rayonında jańa imkaniyatlar esigi ashılmaqta.
Sonıń ishinde, "Taxiatoshinvest" JShJ filialınıń rayonda óz jumısın baslawı tutınıwshılar ushın sapalı Qazaqstan kómir ónimlerin tikkeley rayonnıń ózinde, artıqsha áweregershiliksiz satıp alıw imkaniyatın bermekte.
Isbilermenlerge jaratılǵan sharayatlar esabınan kómir ónimleri bazardaǵı basqa usınıslarǵa salıstırǵanda arzan hám sapalı túrde jetkerip berilmekte. (Hákimshilik tel: 90 725 44 11)