Tórtkúl rayonında PQ-465 qararı orınlanıwı hám ǵálle tárbiyası boyınsha ámeliy seminar shólkemlestirildi
2026-02-16 14:05:00 / Министрлик
Tórtkúl rayonında PQ-465 qararı orınlanıwı hám ǵálle tárbiyası boyınsha ámeliy seminar shólkemlestirildi
Tórtkúl rayonı "Qosnazar Paxtakor" fermer xojalıǵı aymaǵında Prezidentimizdiń 2024-jıl 30-dekabrdegi PQ-465-sanlı qararınıń orınlanıwın támiyinlewge qaratılǵan kórgizbeli seminar ótkerildi.
Onda rayon hákimi I.Xudaybergenov, Qaraqalpaqstan Respublikası Ósimlikler karantini hám onı qorǵaw agentligi baslıǵınıń birinshi orınbasarı Daryabay Ubbiniyazov, Ózagroinspekciya Qaraqalpaqstan Respublikası basqarmasınıń baslıǵı Arıslan Yusupov hám Qaraqalpaqstan Respublikası fermerler keńesi baslıǵınıń orınbasarı Allaniyaz Ajimov, juwapker shólkemlerdiń wákilleri, Ósimlikler karantini hám onı qorǵaw bóliminiń xızmetkerleri, awıl xojalıǵı tarawınıń maman qánigeleri hám fermer xojalıqlarınıń basshıları qatnastı.
Ilaj dawamında rayondaǵı jer resurslarınan aqılǵa uǵras paydalanıw, atız shetindegi bos jerlerdi ózlestiriw, kollektor-drenaj tarmaqları átiraplarınan nátiyjeli paydalanıw hám eksportqa qolaylı ónimlerdi egiw boyınsha pikir-usınıslar bildirildi. Sonday-aq, qıytaq jerlerden únemli paydalanıw, xalıqtıń ózin-ózi azıq-awqat penen támiyinlewdi kúsheytiw hám qosımsha ónim alıw máseleleri dodalandı.