Tórtkúl rayonında bilimlendiriwdiń sapası hám nátiyjeliligi tallandı
2026-02-04 10:10:00 / Министрлик
Tórtkúl rayonında bilimlendiriwdiń sapası hám nátiyjeliligi tallandı
Qaraqalpaqstan Respublikası Tórtkúl rayonında bilimlendiriwdiń sapasın arttırıw baǵdarındaǵı jumıslar sistemalı túrde dawam ettirilmekte.
Búgin 10-sanlı ulıwma bilim beriw mektebinde rayon hákimi I.Xudaybergenov basshılıǵında gezektegi jumısshı jıynalıs ótkerildi. Onda "Paxtachi," "Atayurt," "Kaltaminor," "Bazirgan" hám "Atauba" máhálleleri aymaǵındaǵı mektep hám baqsha basshıları hám olardıń orınbasarları qatnastı.
Májiliste pitkeriwshilerdiń joqarı oqıw orınlarına kiriw kórsetkishlerin tallaw hám keleshektegi nátiyjelerdi bunnan bılay da arttırıw boyınsha sóz etilip, bilimlendiriw nátiyjeliligin arttırıw boyınsha basshılarǵa zárúr usınıslar hám anıq wazıypalar berildi.
Májiliste xalıq deputatları Tórtkúl rayonlıq Keńesi sekretariatınıń baslıǵı B.Masharipov ta qatnasıp, deputatlar tárepinen jaslardıń tálim-tárbiyasında alıp barılıp atırǵan jumıslar haqqında aytıp ótti.