Tórtkúlde gezektegi "Hákimlik saatı": Áhmietli wazıypalar belgilep alındı
2026-02-02 12:00:00 / Министрлик
Tórtkúlde gezektegi "Hákimlik saatı": Áhmietli wazıypalar belgilep alındı
Búgin Tórtkúl rayonı hákimliginiń úlken májilisler zalında rayon hákimi I.Xudaybergenov basshılıǵında gezektegi "Hákimlik saatı" májilisi bolıp ótti.
Májiliste rayon hákiminiń orınbasarları, shólkem basshıları hám taraw juwapkerleri qatnastı. Kún tártibinen tómendegi áhmietli máseleler orın aldı:
Ózbekstan Respublikası Prezidentiniń 2025-jıl 19-sentyabrdegi PP-173-sanlı Pármanınıń orınlanıwı sheńberinde xalıqtı hám awıl xojalıǵın dizimge alıwdıń birinshi basqıshında máhálle belsendileriniń jumısı tán alındı hám ekinshi basqıshta úgit-násiyatlaw jumısların jáne de kúsheytiw boyınsha kórsetpeler berildi. Sonday-aq, hár bir kárxana hám shólkem aymaǵında sayamanlı hám miyweli terekler egiw arqalı jasıl aymaqlardı keńeytiw wazıypası júklendi.
Óz ornında tarawlarda ashıq-aydınlıqtı támiyinlew hám korrupciya jaǵdaylarına shek qoyıw máselesine ayrıqsha toqtap ótildi.
Májilis juwmaǵında juwapkerlerge tiyisliligi boyınsha tapsırmalar berildi.