PROKUROR HÁM JASLAR USHIRASIWI
2026-01-22 10:00:00 / Министрлик
PROKUROR HÁM JASLAR USHIRASIWI
Jaslardı hár tárepleme jetik hám kámil insan bolıp jetilisiwi hám olardı watansúyiwshilik ruwxında tárbiyalaw, olar arasında jınayachılıq hám huqıqbuzarlıqlardıń aldın alıw, jaslardıń huqıqları menen máplerin qorǵaw maqsetinde jaslarǵa ayrıqsha itibar qaratılmaqta.
Búgin O.Xudayshukurov atındaǵı mádeniyat sarayında bolıp ótken ushırasıw da qızǵın ruwxta ótti. Ilajdı rayon hákimi I.Xudaybergenov ashıp berdi. Ol óz sózinde Ózbekstan Respublikası Prezidenti Sh.Mirziyoevtiń jaslarǵa qaratıp atırǵan itibarı sebepli búgin jaslarımız hár tárepleme óz talantların kórsetip atırǵanlıǵın ayrıqsha atap ótti hám bunnan keyin de elimizdiń kámil perzentleriniń kórsetkishleri joqarılap baratuǵının bildirdi.
Tórtkúl rayonı prokurorı N.Djolamanov óziniń shıǵıp sóylegen sózinde jaslardıń watansúyiwshilik ruwxında tárbiyalanıwı, elimizdiń márt hám batır ulları, haqıyqıy watansúyiwshi bolıp jetilisiwi ushın jaratılǵan imkaniyatlardan únemli paydalanıwın bildirer eken, búgin jaslardıń hár tárepleme jetik insan bolıp jetilisiwi ushın barlıq esikler ashıq ekenligin atap ótti.
Bunnan soń Qaraqalpaqstan Respublikası Joqarǵı Keńesiniń deputatı J.Settiev hám Qorǵanıw isleri bóliminen
W.Ishniyazovlar da shıǵıp sóyledi.
Ushırasıw rayonlıq mádeniyat bólimi hám 10-sanlı ulıwma bilim beriw mektebiniń qábiletli jasları tárepinen Sh.Aytmatovtıń "Ásirge tatıytuǵın kún" shıǵarması tiykarında kreativ usılda tayarlanǵan "MANQURT" saxnalıq baǵdarlamasınıń premerası hám jaǵımlı hawazlı qosıqshılardıń koncert baǵdarlaması menen dawam etti.