Alıs awıldaǵı qızǵın sóylesiw
2026-01-15 14:00:00 / Министрлик
Alıs awıldaǵı qızǵın sóylesiw
Bunnan eliw jıl burın Tórtkúl rayonı orayınan 60 kilometr alıs aymaqtan jańa tıń jerdi ózlestiriw rejelestirildi. Hám usı reje tiykarında tıń jerde kóplegen sociallıq taraw obektleri, xalıq ushın turaq jaylar boy tiklep, aymaq kórkine kórik qosatuǵın qurılıslar ámelge asırıldı...
Búgin rayon hákimligi Málimleme xızmeti media-rejesi tiykarında bul tıń jerlerdi ózlestiriwde jankúerlik kórsetken bir topar janbasqalalı pidayı insanlar menen ashıqtan-ashıq sóylesiw bolıp ótti. Bul ilajda tariyx betlerinen orın alǵan qurılıs processlerinde qatnasqan pidayı insanlar ózleriniń tariyxıy tájiriybeleri menen ortaqlastı. Onda máhálle belsendileri, ǴXQ wákilleri de qatnastı hám ótmish hám búgin haqqında pikir júrgizdi. Álbette, búgin alıs awılda qızǵın túrde bolıp ótken ashıq sóylesiw dawamında keleshek áwlad ushın jaratılǵan dóretiwshilik jumısları jáne bir márte eske alındı. Bul sóylesiw "Janbasqala" haqqında jazılǵan bolıwı táájip emes.