"Hákimlik saatı" májilisi ótkerildi
2025-12-22 14:25:00 / Министрлик
Tórtkúl rayonı hákimliginiń úlken májilisler zalında rayon hákimi I.Xudaybergenov basshılıǵında "Hákimlik saatı" májilisi ótkerildi.
🇬🇦Onda rayon hákiminiń orınbasarları, shólkemlerdiń basshıları hám tiyisli taraw juwapkerleri qatnastı.
Májiliste Tórtkúl rayonı 2-sanlı texnikumnıń direktorı U.Kurbanov elimizde bolıp atırǵan jańalanıwlar haqqında aytıp ótti. Bunnan soń Xalıq deputatları rayonlıq Keńesi sekretariatınıń baslıǵı B.Masharipov xalıq deputatları rayonlıq Keńesine saylanǵan deputatlardıń jumısı boyınsha málimleme berdi.
Sonday-aq, shıǵıp sóylegen Qızıl yarım ay jámieti rayonlıq bóliminiń baslıǵı A.Sultanov jámiettiń búgingi jumıs iskerligi ámelge asırılıwı tiyis bolǵan rejeler haqqında aytıp ótti.
Usı jıldıń 1-dekabr kúninen 30-dekabr kúnleri elimizde "Órt qáwipsizligi aylıǵı" ótkeriliwi múnásibeti menen Ayrıqsha jaǵdaylar basqarması Tórtkúl rayonlıq bóliminiń baslıǵı, kapitan X.Egamov shıǵıp sóyledi.
Májilis dawamında rayonda jańa jıl bayramına tayarlıq kóriw, abadanlastırıw jumısları boyınsha tiyisli shólkemlerdiń basshılarına zárúr tapsırmalar berildi..
Májiliste korrupciya hám onıń aldın alıw baǵdarında da sóz etilip, bul illetke qarsı birgelikte gúresiw zárúr ekenligi ayrıqsha atap ótildi.