Қарақалпақстан Республикасы Төрткүл районы ҳәкимлиги

 Jańa jıl qarsańında dıqqat: ayon hákimi I.Xudaybergenov nawqaslardıń halınan xabar aldı


Búgin, rayon hákimi I.Xudaybergenov rayonlıq oraylıq emlewxanasına gezektegi saparın ámelge asırdı.

Sapardıń tiykarǵı maqseti - nawqaslarǵa jaratılǵan sharayatlar menen jaqınnan tanısıw hám kórsetilip atırǵan medicinalıq xızmet sapasın qadaǵalaw.

Hákim jeke ózi Balalar bólimi, Balalar reanimaciya bólimi hám Úlkenler reanimaciya bóliminde bolıp, emlenip atırǵan nawqaslardıń halınan xabar aldı.

I.Xudaybergenov nawqaslar menen qızǵın sáwbetlesip, olardıń densawlıǵın tez arada tiklep ketiwine tilekleslik bildirdi hám Jańa jıl bayramı menen qutlıqladı.

Óz ornında rayon hákimi " Nawqaslarǵa jaratılǵan sharayatlar bizlerdiń olarǵa bolǵan itibarımızdıń ayqın kórinisi bolıwı kerek. Hár bir puqaranıń salamatlıǵı biz ushın áhmietli!," - dep atap ótti.