Қарақалпақстан Республикасы Төрткүл районы ҳәкимлиги

Sport: tarawda alıp barılıp atırǵan jumıslar hám nátiyjeler

🏴 Búgin rayon hákimliginde bolıp ótken ashıq pikirlesiw rayonda sport tarawında alıp barılıp atırǵan jumıslar hám nátiyjeler haqqında ashıq pikirlesiw bolıp ótti.
Ashıqtan-ashıq sóylesiwdi rayon hákimligi Málimleme xızmetiniń baslıǵı M.Bekchanova alıp bardı.
Usı ashıq sáwbetlesiw dawamında rayonlıq sport mektebiniń direktorı, Xalq deputatlari tuman Kengashi deputati Ergash Ibragimov shıǵıp sóylep, jaslardıń sport baǵdarı boyınsha shuǵıllanıp óz kúsh-ǵayratın júzege shıǵarıwı ushın úlken imkaniyatlar jaratılǵanı hám bunıń nátiyjesinde Qaraqalpaqstan chempionatı hám kuboklarında jámi 150 medal, Ózbekstan chempionatı hám kuboklarında jámi 64 medal qolǵa kirgizilgen.
Xalıqaralıq turnirlerde jámi 2 altın medal qolǵa kirgizilgen.
Aziya chempionatı hám kubogi jarıslarında jámi 4 medal, 1 altın, 1 gúmis hám 2 bronza medalların qolǵa kirgizgen.
Jáhán chempionatı hám kuboklarında jámi 4 medal, 1 altın, 3 bronza medalların qolǵa kirgizgen.
Sport mektebiniń tájiriybeli trenerlerinen muaytay boyınsha Dusenov Qabuljan, para jeńil atletika boyınsha Annamuratova Nilufar hám olardıń shınıǵıwshılarınan: Ózbekstan Respublikası chempionatı hám kubogi, Aziya hám Jáhán kólemindegi abıraylı jarıslarda joqarı nátiyjelerge erisip kiyatırǵan S.Davletyorova, Ibragimova Mohichehra, Artikbaeva Mohinur, D.Davletova hám Qabuljanov Shaxriyorlar mámleketimiz basshısınıń sportqa berip atırǵan itibarı, sporchılarǵa jaratılıp atırǵan sharayatlar, jańadan qurılıp atırǵan sport obektleri hám maydanshaları haqqında tolqınlanıp sóyledi.
Óz gezeginde ǴXQ wákillerinen "Tórtkúlnama" gazetasınıń redaktorı W.Nurullaeva jaslardıń umtılısları, keleshektegi rejeleri hám sporchılardı usı dárejege jetkergen trenerler haqqında sorawlar berip, olarǵa berilip atırǵan imkaniyatlardan únemli paydalanıwına tilek bildirdi.
Bul ashıqtan-ashıq sóylesiwde rayon hákiminiń orınbasarı B.YAngibaev qatnasıp, jaslarǵa aldaǵı jumıslarında áwmetler tiledi.