Tórtkúl: Puqaralar menen kóshpeli qabıllaw ótkerildi
2025-12-24 17:00:00 / Министрлик
Tórtkúl:
Puqaralar menen kóshpeli qabıllaw ótkerildi
🇬🇦 Tórtkúl rayonı puqaralarınıń múrájatların qabıllaw maqsetinde "Nurata" máhállesi aymaǵındaǵı mádeniyat orayınıń imaratında Tórtkúl rayonı hákimi I.Xudaybergenov hám Qaraqalpaqstan Respublikası Ministrler Keńesi Baslıǵınıń jergilikli sanaattı rawajlandırıw máseleleri boyınsha járdemshisi N.Eshanov tárepinen kóshpeli qabıllaw ótkerildi.
Qabıllaw procesinde puqaralardıń sociallıq-turmıslıq máseleler boyınsha múrájatları tıńlanıp, mashqalalardı sheshiw boyınsha nızamlı tártipte túsinikler berildi.
Kóshpeli qabıllaw dawamında puqaralardan sociallıq qollap-quwatlaw, densawlıǵın tiklewde ámeliy járdem, materiallıq járdem, kadastr máselesi, materiallıq járdem, pensiya máselesi sıyaqlı máseleler boyınsha múrájatlar kelip tústi.
Múrájatlarda kóterilgen máselelerdi nızam sheńberinde sheshiw boyınsha juwapker shólkem hám mákemelerge anıq tapsırmalar berilip, olardıń orınlanıwı qadaǵalawǵa alındı.