"Salamatlıq jolı" joybarı salamat áwlad ushın
2025-12-17 14:00:00 / Министрлик
"Salamatlıq jolı" joybarı salamat áwlad ushın
🇬🇦Rayonımızda oqıwshılardıń salamatlıǵın qorǵaw, salamat turmıs tárizin qáliplestiriw hám reproduktivlik salamatlıqtı úgit-násiyatlaw maqsetinde áhmietli joybarǵa start berildi.
Shańaraq hám hayal-qızlar komitetiniń baslaması menen Mektepke shekemgi hám mektep bilimlendiriwi bólimi hám medicina birlespesi menen birgelikte mekteplerde "Salamatlıq volontyorları" qáliplestirilmekte.
Búgin 1-sanlı ulıwma bilim beriw mektebinde "Teńles teńleske" principi tiykarındaǵı "Salamatlıq jolı" joybarın ámelge asırıwǵa baǵıshlanǵan seminar bolıp ótti.
Joybardıń maqseti Oqıwshılar arasında medicinalıq-psixologiyalıq xızmettiń nátiyjeliligin arttırıw, fizikalıq hám ruwxıy salamatlıqtı qorǵaw, keselliklerdiń aldın alıwdan ibarat.
Seminarǵa rayon hákiminiń orınbasarı I.Jumabaeva hám tiyisli taraw juwapkerleri qatnasıp, tema boyınsha óz pikir-usınısların bildirdi.