Áhmietli máseleler tallandı
2025-12-15 16:00:00 / Министрлик
Áhmietli máseleler tallandı
Búgin rayon hákimliginde rayon hákimi I.Xudaybergenov basshılıǵında bolıp ótken májiliste rayon hákiminiń orınbasarları, kárxana hám shólkemlerdiń basshıları, máhálle baslıqları hám hákim járdemshileri qatnastı.
Májiliste "Mehir háreketi" sheńberinde biriktirilgen shańaraqlardı qollap-quwatlaw baǵdarında alıp barılıp atırǵan jumıslar, rayon aymaqlarında abadanlastırıw jumısların kúsheytiw, xalıqtıń qıs máwsimin qáwipsiz shıǵıwı hám xalıqtıń xatlawın ótkeriw jumısların sapalı shólkemlestiriw máseleleri orın aldı.
Bárshemizge belgili, bayram aldınan jámietlik tártipti támiyinlew hám ayrıqsha jaǵdaylardıń aldın alıw maqsetinde túngi náwbechilikler shólkemlestirildi, bul bolsa aldın berilgen tapsırmalardıń orınlanıwın qadaǵalawǵa qaratıldı.
Xalıqqa qolaylıq jaratıw maqsetinde arzanlastırılǵan sawda yarmarkaların rayon orayı hám alıs aymaqlardaǵı sawda orınlarında shólkemlestiriw boyınsha kórsetpeler berildi.
Májilis juwmaǵında belgilengen wazıypalardıń orınlanıwın qatań qadaǵalawǵa alıw, barlıq jumıslardı mánzilli hám nátiyjeli shólkemlestiriw boyınsha juwapkerlerge tiyisli kórsetpeler berildi.