Konstituciya - insan qádiri, erkinlik, teńlik hám ádillik girewi!
2025-12-06 14:00:00 / Министрлик
#Konstituciya_kúni
Konstituciya - insan qádiri, erkinlik, teńlik hám ádillik girewi!
Búgin Tórtkúl rayonlıq mádeniyat sarayında "Konstituciya - insan qádiri, erkinlik, teńlik hám ádillik girewi!" súreni astında Ózbekstan Respublikası Konstituciyasınıń otız úsh jıllıǵına baǵıshlanǵan saltanatlı bayram ilajı ótkerildi.
Ilajda Tórtkúl rayonı hákimi I.Xudaybergenov, hákim orınbasarları, shólkem basshıları, awıl hám mákan puqaralar jıyınlarınıń baslıqları, máhálle belsendileri, keń jámiechilik wákilleri hám deputatlar qatnastı.
Ilajdıń saltanatlı bóliminde rayon hákimi I.Xudaybergenov óziniń qutlıqlaw sózi menen ashıp berdi. Bunnan soń shıǵıp sóylegen rayon prokurorı N.Djolamanov, Qaraqalpaqstan Respublikası Joqarǵı Keńesiniń deputatı J.Settiev, MTO rayonlıq bóliminiń wákili tárepinen bayram qutlıqlawları oqıp esittirildi. Saltanatlı bayram ilajınıń rásmiy bóliminen soń ilajdıń kórkemlik bólimi baslandı.
Onda rayonlıq mádeniyat bólimi dóretiwshilik toparları tárepinen túrli millet wákilleriniń shıǵıwları tamashagóyler tárepinen jıllı kútip alındı.
Ilajda rayonlıq Málimleme-kitapxana orayı tárepinen kitaplar yarmarkası shólkemlestirildi.
Óz ornında sonı aytıp ótiw orınlı, Konstituciyamız tek ǵana jámietimizdiń bas Nızamı emes, al, biziń huqıq hám erkinliklerimizdiń tayanıshı, kepili hám tiykarı sıpatında biz ushın oǵada qádirli bolıp esaplanadı.
Elimiz aspanında hámiyshe tatıwlıq hám turaqlılıq, hár bir shańaraqta baxıt hám abadanlıq húkim súrsin, Watanımızdıń rawajlanıwı jolında jańa jeńislerge qaray umtılıp, hár birimizdi úlken tabıslar taman jeteklep barsın!Elimiz aspanında hámiyshe tatıwlıq hám turaqlılıq, hár bir shańaraqta baxıt hám abadanlıq húkim súrsin, Watanımızdıń rawajlanıwı jolında jańa jeńislerge qaray umtılıp, hár birimizdi úlken tabıslar taman jeteklep barsın!