# Bilimlendiriw -korrupciyadan jıraq taraw
2025-11-20 12:05:00 / Министрлик
Tórtkúl rayonında "Bilimlendiriw - korrupciyadan jıraq taraw!" baslaması sheńberinde keń kólemli ilajlar ótkerildi!
Búgin Tórtkúl rayonında barlıq bilimlendiriw mákemeleri basshılarınıń qatnasıwında korrupciyaǵa qarsı gúresiw boyınsha keńeytilgen májilis bolıp ótti. Májiliste rayonlıq mektepke shekemgi hám mektep bilimlendiriwi bóliminiń baslıǵı U.Allabergenov, rayonlıq ishki isler bólimi baslıǵınıń orınbasarı podpolkovnik A.Pishiev qatnastı.
✔️ Májiliste bilimlendiriw tarawındaǵı nızambuzıwshılıq jaǵdayları dodalandı, juwapkershilik máseleleri sın kózqarastan kórip shıǵıldı.
✔️ Sonıń menen birge, "Jaslar korrupciyaǵa joq deydi" temasında rayondaǵı barlıq mektep oqıwshıları qatnasıwında shıǵarmalar tańlawı ótkerildi. Tańlaw 6 tilde: ózbek, qaraqalpaq, rus, túrkmen, qazaq hám inglis tillerinde ótkerildi.
✅ Sonday-aq, 5-7-klasslar ortasında súwretler tańlawı da shólkemlestirildi. Barlıq jeńimpazlar estelik sawǵaları hám húrmet jarlıqları menen sıylıqlandı.
Bunday ilajlar jas áwladta hadallıq, ádillik hám nızamǵa húrmet ruwxın qáliplestiredi!