Rayon hákimi medicina birlespesinde nawqaslar ushın jaratılǵan sharayatlar menen tanıstı.
2025-11-12 12:10:00 / Министрлик
Kúni keshe Húrmetli Prezidentimiz tárepinen medicina tarawı xızmetkerleri kúni múnásibeti menen ótkerilgen saltanatlı bayram ilajında xalıqtıń salamatlıǵın tiklew maqsetinde erisilgen jetiskenlikler hám keleshektegi rejeler haqqında sóz boldı. Álbette, bul baǵdarda Tórtkúl rayonlıq medicina birlespesinde de bir qansha jumıslar ámelge asırılmaqta. Atap aytqanda, birlespe bólimleriniń basqıshpa-basqısh ońlanıp shıǵarılıwı, jańa zamanagóy medicinalıq úskenelerdiń alıp keliniwi hám kóplegen xirurgiyalıq emlewlerdiń rayondaǵı tájiriybeli shıpakerler tárepinen alıp barılıwı pikirimizdi dálilleydi.
Rayon hákimi I.Xudaybergenovtıń medicina birlespesine gezektegi saparı nawqaslardı qabıllaw bóliminde zamanagóy sanlastırıw sisteması arqalı tiyisli shıpakerlerdiń tekseriwine jiberiliwi hám zárúr emlewlerdi usınıs etiw bóliminen baslandı. Sonıń menen birge, usı orındaǵı óz densawlıǵın tiklep atırǵan awır nawqaslardıń halınan xabar alıp, olarǵa salamatlıǵın tiklep ketiwine tilekles ekenligin bildirdi. Medicinalıq birlespede nawqaslar ushın jaratılǵan sharayatlar menen tanıstı.