Қарақалпақстан Республикасы Төрткүл районы ҳәкимлиги

Pidayı insanlardı sıylıqlaw máresimi dawam etpekte

Tórtkúl rayonı mádeniyat sarayında "Best publikation" ilimiy-izertlew orayı tárepinen shólkemlestirilgen xalıqaralıq sıylıqlaw máresimi dawamında rayondaǵı bir qatar pidayı insanlardıń miynetleri tán alınbaqta.
Saltanatlı ilajda "Watan maqtanıshı," "Ilim tarawındaǵı xızmetleri ushın," "Joqarı húrmet," "Bilimlendiriw tarawındaǵı xızmetleri ushın" hám "Eń jaqsı xızmetleri ushın" kókirek belgileri óz ielerine saltanatlı túrde tapsırıldı.
Bul abıraylı ilaj rayonımızdıń ilim, bilimlendiriw, mádeniyat, medicina hám basqa da kóplegen tarawlarında pidákerlik penen miynet etip atırǵan insanlarǵa kórsetilgen joqarı itibar belgisi boldı.

Ilajǵa qatnasqan Tórtkúl rayonı hákiminiń orınbasarı I. Jumabaeva barlıq sıylıqlanǵanlardı qızǵın qutlıqladı. Óz sózinde bunday ilimiy ilajlardı keńnen úgit-násiyatlaw óziniń unamlı nátiyjesin beretuǵınına hám búgingi sıyaqlı sıylı orın ieleriniń qatarı kóbeetuǵınına isenim bildirdi.