Konstituciyalıq huqıqtı támiyinlewge qaratılǵan nızam!
2025-10-28 11:15:00 / Жаңалықлар
Konstituciyalıq huqıqtı támiyinlewge qaratılǵan nızam!
Tiykarǵı Nızamımızdıń 31-statyasına bola, hár bir shaxs ómiriniń qol qatılmaslıǵı, jeke hám shańaraqlıq sırǵa ie bolıw, óziniń abırayı hám qádir-qımbatın qorǵaw huqıqına ie.
Mine, usı konstituciyalıq normadan kelip shıqqan halda mámleketimizde insan huqıqları menen erkinlikleri, onıń jeke ómirine qol qatılmaslıǵı, jeke hám shańaraqlıq sırı, abırayı menen qádir-qımbatınıń isenimli qorǵalıwın támiyinlewge qaratılǵan bir qatar nızam hújjetleri qabıl etilmekte.
Sonıń ishinde, processuallıq kodekslerde jabıq sud májilislerinde qatnasqan shaxslar maǵlıwmatlardı járiyalaǵanı ushın juwapkershilik haqqında eskertiletuǵını kórsetilgen. Biraq, nızamshılıqta bunday maǵlıwmatlardı járiyalaǵanı ushın juwapkershilik ilajları názerde tutılmaǵan.
Sol sebepli, Ózbekstan Respublikasınıń Usı Nızam menen Ózbekstan Respublikasınıń ayırım nızam hújjetlerine jabıq sud májilisiniń dodalawı maǵlıwmatların hám de detalların járiyalawǵa jol qoyılmawı haqqında eskertilgen jabıq sud májilisinde qatnasıp atırǵan shaxslar tárepinen olardı sudtıń ruxsatısız járiyalaǵanı ushın jınayıy juwapkershilik belgilenetuǵının názerde tutatuǵın ózgerisler hám qosımshalar kirgizilmekte.
1084-sanlı nızam menen Ózbekstan Respublikası Jınayat kodeksi, Jınayat processual kodeksi, Puqaralıq processual kodeksi, Ekonomikalıq processual kodeksi hám Hákimshilik sud islerin júrgiziw kodekslerine ózgerisler hám qosımshalar kirgizildi.
Kodekslerge kirgizilgen ózgerislerge bola, iste qatnasıp atırǵan shaxslarǵa sorastırıw yamasa tergew maǵlıwmatları sorastırıwshı yamasa tergewshiniń ruqsatısız, jabıq sud dodalawındaǵı detallar bolsa sudtıń ruqsatısız járiyalanbawı minnetlemesiniń júkleniwi.
Isti jabıq sud májilisinde ótkeriliwi haqqında sud ajıratı shıǵarılıwı hám de iste qatnasıp atırǵan shaxslarǵa sud dodalawı maǵlıwmatların hámde detalların sudtıń ruxsatısız járiyalamaw haqqında eskertilip, olardan tilxat alınadı. Tilxatta bul minnetlemeni buzǵanlıǵı ushın Ózbekstan Jınayat kodeksiniń 239-statyası menen juwapkershilik haqqında eskertiledi.
Tilxat penen eskertilgen sud májilisi qatnasıwshılarınıń jabıq sud májilisindegi maǵlıwmatlardı yamasa detallardı járiyalawı Ózbekstan Respublikası JK 239-statyasındaǵı juwapkershilikke sebep boladı.
Nızam menen kirgizilip atırǵan ózgerisler sud procesinde shaxstıń huqıqları menen erkinliklerin qorǵaw kepilliklerin bunnan bılay da kúsheytiwge, sonday-aq, jabıq sud májilisiniń dodalawı maǵlıwmatları hám de detalları járiyalanıwınıń aldın alıwǵa xızmet etedi.
Xudaybergenova Raxima Baltabaevna
Qaraqalpaqstan Respublikası hákimshilik sudınıń sudyası