Qaraqalpaqstan Respublikası Taxtakópir rayonı hákimligi

"Jıl hayalı" milliy tańlawınıń rayon basqıshı ótkerildi

Búgin Taxtakópir rayonı Mádeniyat orayında rayonlıq Shańaraq hám hayal-qızlar bólimi baslaması menen "Jıl hayalı" milliy tańlawınıń rayon basqıshı bolıp ótti.

Bul tańlawda máhállelerden mámleketimizdiń siyasiy, ekonomikalıq hám sociallıq turmısında belsene qatnasıp, shańaraqta hám perzent tárbiyasında úlgi kórsetken, óziniń miynet jámáátinde joqarı nátiyjelerge erisken belsendi hayal-qızlar qatnastı.

Tańlaw nátiyjeleri tómendegishe boldı:

• "Jıldıń eń jaqsı dóretiwshi hayalı" - Bárkamal áwlad balalar mektebi muǵallimi Asmagieva Roza
• "Óz kásibiniń ustası bolǵan jıl hayalı" - Utambetova Orınbasqan
• "Jıldıń eń kúshli ruwxıy-aǵartıwshılıq úgit-násiyatshısı" - Utemuratova Roza
• "Jıldıń eń jankúyer ustazı" - Tulegenova Aynur
• "Jıldıń eń salamat turmıs tárizi úgit-násiyatlawshısı" - Joldasbaeva Jengisgul

Jeńimpaz hám sıylı orın iyeleri Qaraqalpaqstan Respublikası basqıshına jollamanı qolǵa kirgizdi.

Sonday-aq, tańlawda belsene qatnasqan basqa hayal-qızlar rayon hákimliginiń húrmet jarlıǵı hám bahalı sawǵaları menen sıylıqlandı.