Xalıq deputatları Taxtakópir rayonlıq Keńesi tárepinen baspasóz konferenciyası ótkerildi.
2025-08-08 10:15:00 / Baspasóz konferenciyaları
Xalıq deputatları Taxtakópir rayonlıq Keńesi tárepinen baspasóz konferenciyası ótkerildi.
Onda deputatlardıń jergilikli mashqalalardı sheshiwdegi ornı, xalıqtıń múrájatların úyreniw hám olardı sheshiwde deputatlıq qadaǵalawdı kúsheytiw máseleleri dodalandı.
Ilajda deputatlar, juwapker shólkemlerdiń basshıları hám ǴXQ wákilleri qatnasıp, ashıqtan-ashıq sóylesiw túrinde pikir alıstı.
Esap beriw dáwirinde deputatlar tárepinen xalıqqa jaqın bolıw, olardıń mashqalaların úyreniw boyınsha 97 ushırasıw shólkemlestirilgen. Ushırasıwlarda jámi 71 mashqala atap ótilip, sonnan 41 i unamlı sheshilgen, qalǵan múrájatlar boyınsha túsindiriw jumısları alıp barılǵan. Sonday-aq, Keńes deputatlarına fizikalıq hám yuridikalıq táreplerden 7 múrájat kelip túsken.
Deputatlar tárepinen puqaralardan kelip túsken múrájatlar hám mámleketlik baǵdarlamalardıń orınlanıwın támiyinlew boyınsha tiyisli shólkemlerge jámi 84 márte deputatlıq sorawlar jiberilgeni de atap ótildi.
Konferenciyada sonday-aq, deputatlardıń xalıqqa jaqın bolıwı, mashqalalardı ornında úyrenip, olardı jedellik penen sheshiwge qaratılǵan jumısı keńnen sáwlelendirildi. Ilaj juwmaǵında deputatlar xalıqtıń máplerin qorǵaw hám bar mashqalalardı basqıshpa-basqısh saplastırıwǵa baylanıslı usınıslardı alǵa qoydı.