Qaraqalpaqstan Respublikası Taxtakópir rayonı hákimligi

Baslamalı byudjet joybarı sheńberinde sport maydanshaları qurılmaqta

Taxtakópir rayonında usı jıldıń birinshi yarımında "Baslamalı byudjet" joybarı sheńberinde dawıs beriw jolı menen jeńimpaz dep tabılǵan usınıslar tiykarında qurılıs-ońlaw jumısları dawam etpekte.

Atap aytqanda, rayondaǵı "Dáwir" mákan puqaralar jıyını aymaǵında jaylasqan 5-sanlı mektep imaratı janında jabıq túrdegi barlıq qolaylıqlarǵa iye kishi futbol maydanı jáne ashıq maydanda voleybol hám basketbol maydanshaları qurılmaqta.

Bul sport obektleri mektep oqıwshıları hám aymaqtaǵı jámlespegen jaslardıń turaqlı sport penen shuǵıllanıwı, bos waqıtların mazmunlı ótkeriwi hám máhállede sporttı rawajlandırıw ushın keń imkaniyat jaratadı.

Atap ótiw orınlı, ulıwma bahası 1 mlrd. 199,4 mln. sum bolǵan bul joybar qurılısı "Profil-Taxiatash" JShJ tárepinen ámelge asırılmaqta.