«Isbilermen hayal» tańlawınıń rayonlıq basqıshın ótkerildi
2025-07-29 11:00:00 / Жаңалықлар
Isbilermenler háreketi ÓzLiDeP Taxtakópir rayonlıq Keńesi hám rayonlıq shańaraq hám hayal-qızlar bólimi menen birgelikte «Isbilermen hayal» tańlawınıń rayonlıq basqıshın ótkerildi.
Tańlawdıń maqseti hayal-qızlardıń jámiyettegi belsendiligin bunnan bılay da bekkemlew, isbilermenlikti keńnen en jaydırıw maqsetinde olardı qollap-quwatlaw hám ámeliy járdemler kórsetiwden ibarat boldı.
Tańlaw nátiyjesinde tóreshiler quramı tárepinen qatnasıwshı isbilermen hayal-qızlardıń óz ónimleriniń kórgizbeleri kórip shıǵıldı. Nátiyjede sıylı 1-orındı «Taxtakópir» posyolka puqaralar jıyınınan ónerment Allambergenova Shamsiya, 2-orındı «Ǵárezsizlik» mákan puqaralar jıyınınan jeke isbilermen Ziwatdinova Aynura, 3-orındı «Dáwqara» awıl puqaralar jıyınınan Bekturganova Rozalar iyeledi.
Tańlaw jeńimpazlarına Húrmet jarlıǵı hám bahalı sawǵalar tapsırıldı hám 1-orındı iyelegen qatnasıwshı Respublikalıq basqıshqa jollama aldı.