Mámleketlik qáwipsizlik xızmeti kubogınıń jeńimpazları sıylıqlandı
2025-06-02 13:05:00 / Жаңалықлар
Mámleketlik qáwipsizlik xızmeti kubogınıń jeńimpazları sıylıqlandı
Usı jıldıń 31-may kúni Taxtakópir rayonında sporttıń futbol hám kishi futbol túri boyınsha er balalar hám qızlar arasında ótkerilgen «Mámleketlik qáwipsizlik xızmeti kubogı» jeńimpazların sıylıqlaw máresimi bolıp ótti.
Ilajǵa rayon hákimi J.Adilov, Mámleketlik qáwipsizlik xızmeti rayonlıq bólimi xızmetkerleri, mákeme, shólkem basshıları hám sportshı jaslar qatnastı.
Sıylıqlaw keshesinde sózge shıqqanlar jeńimpazlardı qutlıqlap, bul ilajlar máhállelerdegi jaslardıń salamatlıǵın arttırıw, jaslarımızdı ǵalaba túrde sportqa qamtıw maqsetinde ótkerilip atırǵanlıǵın atap ótti hám eń shaqqan, eń kúshli dep tabılǵan komandalar múnásip sıylıqlandı.
Ilaj rayonlıq Mádeniyat bólimi hám Qaraqalpaq estrada juldızlarınıń atqarıwındaǵı koncert baǵdarlaması menen dawam etti.