Búgin Taxtakópir rayonı "Dáwir" mákan puqaralar jıyını aymaǵındaǵı 5-sanlı ulıwma bilim beriw mektebinde áhmietli ushırasıw bolıp ótti.
2025-05-11 17:25:00 / Жаңалықлар
Búgin Taxtakópir rayonı "Dáwir" mákan puqaralar jıyını aymaǵındaǵı 5-sanlı ulıwma bilim beriw mektebinde áhmietli ushırasıw bolıp ótti.
Onda Xalıq demokratiyalıq partiyası Taxtakópir rayonlıq Keńesiniń baslıǵı, rayonlıq Keńes deputatı Q.Jaliev, Din isleri boyınsha komitettiń rayonlıq bas qánigesi I.Abdjamilov, mektep pedagog jámááti hám oqıwshı-jaslar qatnastı.
Ilajda jámiette sociallıq-ruwxıy ortalıqtıń turaqlılıǵın támiyinlew, milletleraralıq tatıwlıq hám diniy keńpeyillikti bekkemlew máseleleri dodalandı. Sonıń menen birge, búgingi kúnde elimizde jaslarǵa jaratılıp atırǵan sharayatlar, olardıń bilim alıwı, kásip-óner úyreniwi, bántligin támiyinlew hám sociallıq belsendiligin arttırıw boyınsha alıp barılıp atırǵan keń kólemli reformalar haqqında hár tárepleme maǵlıwmat berildi.
Ashıqtan-ashıq sóylesiw tárizinde ótken sáwbette jaslarǵa elimizde bar imkaniyatlardan durıs paydalanıw, jámietlik turmısta belsendi bolıw, jat ideyalar hám hár qıylı unamsız aǵımlarǵa qarsı gúresiw boyınsha usınıslar berildi. Ushırasıw sońında qatnasıwshılardıń sorawlarına juwapker basshılar tárepinen tolıq juwaplar berildi.