Arnawlı-taktikalıq oqıw shınıǵıwı ótkerildi
2025-05-15 14:30:00 / Жаңалықлар
Arnawlı-taktikalıq oqıw shınıǵıwı ótkerildi
Búgin Taxtakópir rayonında «Ot jara» keselliginiń tábiyǵıy oshaqlardan tarqalıwınıń aldın alıw, tarqalǵanda ayrıqsha jaǵdaylar mámleketlik tómengi sisteması rayonlıq buwını xızmetleriniń birgeliktegi háreketleri temasında arnawlı-taktikalıq oqıw shınıǵıwı ótkerildi.
Oqıw shınıǵıwı dawamında kesellik anıqlanǵanda onı saplastırıw, tarqalıwınıń aldın alıw hám zárúr epidemiyaǵa qarsı ilajlardı ámelge asırıw boyınsha basqarıw uyımları arasındaǵı birge islesiw, olardıń kúsh hám qurallarınan nátiyjeli paydalanıw ámeliyatta kórsetildi.
Bul ilajdıń tiykarǵı maqseti - rayonda epidemiyalıq hám epizootiyalıq jaǵdaylardıń turaqlılıǵın támiyinlew, "Ot jara" keselligi menen baylanıslı ayrıqsha jaǵdaylardıń aldın alıwdan ibarat.