Taxtakópir rayonında "Shet tillerin oqıtıw boyınsha eń jaqsı mektep" tańlawınıń jeńimpazların sıylıqlaw máresimi bolıp ótti
2026-11-21 16:50:00 / Jańalıqlar

Taxtakópir rayonında "Shet tillerin oqıtıw boyınsha eń jaqsı mektep" tańlawınıń jeńimpazların sıylıqlaw máresimi bolıp ótti
Usı jıldıń 13-mart kúni tańlawdıń rayonlıq basqıshı ótkerilgen bolıp, ol Ózbekstan Respublikası Ministrler Kabinetiniń 2021-jıl 9-sentyabrdegi "Qábiletli oqıwshılar arasında pán olimpiadaların ótkeriw sistemasın jetilistiriw hám shet tillerin oqıtıw boyınsha eń jaqsı mektepti anıqlaw sistemasın ámeliyatqa engiziw haqqında"ǵı 562-sanlı qararı tiykarında shólkemlestirilgen edi.
Tańlawda rayonlıq mektepke shekemgi hám mektep bilimlendiriwi bólimine qaraslı 22 ulıwma orta bilim beriw mektebiniń 7-9-klass oqıwshılarınan dúzilgen 5 adamnan ibarat komandalar qatnastı.
Tańlaw juwmaǵı boyınsha:
✅ 1-orın - 2-sanlı ulıwma orta bilim beriw mektebi,
✅ 2-orın - 7-sanlı ulıwma orta bilim beriw mektebi,
✅ 3-orın - 13-sanlı ulıwma orta bilim beriw mektep komandası iyeledi.
Búgin rayon hákimi J.Adilov tańlaw jeńimpazları menen ushırasıp, oqıwshılardı, olardı tayarlaǵan pidayı muǵallimlerdi hám jeńimpaz oqıwshılardıń ata-anaların qızǵın qutlıqladı.
Ilaj dawamında elimizde shet tillerin oqıtıw baǵdarında jaratılıp atırǵan keń imkaniyatlar, oqıtıwshılardıń miynetin xoshametlew hám jaslardıń til úyreniwge bolǵan qızıǵıwshılıǵın arttırıw máselelerine itibar qaratılǵanlıǵı ayrıqsha atap ótildi. Sonday-aq, jeńimpazlarǵa hám olardıń ustazlarına aqshalay sıylıqlar saltanatlı túrde tapsırıldı.
Maǵlıwmat ushın:
✅ 1-orın - 100 000 000 swm,
✅ 2-orın - 75 000 000 sum;
✅ 3-orın ushın bolsa, 50 000 000 sum muǵdarındaǵı aqshalay sıylıqlar berildi.
Bul tańlaw Prezidentimizdiń baslaması menen jolǵa qoyılǵan bolıp, jaslardıń shet tillerin jetik úyreniwi ushın keń imkaniyat hám qolaylı sharayatlar jaratıwǵa qaratılǵan áhmiyetli joybarlardan biri bolıp esaplanadı.
Jeńimpaz oqıwshılar hám olardıń ustazları kórsetilgen itibar hám isenim ushın Prezidentimizge óz minnetdarshılıǵın bildirdi.









