Taxtakópir rayonı fermerler keńesi Prezidiumı aǵzalarınıń fermerlerge múrájat
2026-11-19 11:40:00 / Jańalıqlar

Ǵálleńizge qosímsha tógin beriń agrotexnikalíq ilajlardí óz waqtínda qollaníp, ǵálleden mol zúráát alíwǵa erisiń!
Taxtakópir rayonı fermerler keńesi Prezidiumı aǵzalarınıń fermerlerge múrájat
Húrmetli diyqan hám fermerler!
Awıl xojalıǵında global klimat ózgeriwi hám suw tamtarıslıǵı sharayatında ónim jetistiriwdi kóbeytiw arqalı xalqımızdıń sapalı azıq-awqatqa, sonıń ishinde, nan hám nan ónimlerine talabın támiyinlew tiykarǵı wazıypamız bolıp esaplanadı.
Mámleketimiz basshısı tárepinen qabıl etilgen kóplegen Párman hám qararlar Siz, diyqan hám fermerlerdiń awıl xojalıǵı ónimlerin jetistiriwdegi úlken tabıslarıńızǵa bekkem tiykar jaratpaqta.
Atap aytqanda, Ózbekstan Respublikası Prezidentiniń 2025-jıl 9-dekabrdegi "Paxta hám ǵálleshilikte ónimdarlıqtı arttırıw ushın joqarı nátiyjeli intensiv agrotexnologiyalardı qollanıwdıń qosımsha ilajları haqqında"ǵı PQ-370-sanlı qararı menen fermerlerge úlken jeńillikler hám wákillikler berildi.
Sonıń ishinde, zamanagóy intensiv agrotexnologiyalardı keńnen engiziw, ilim jetiskenlikleri hám ustaz-shákirt dástúrlerine tiykarlanǵan jańa sistemanı engiziw arqalı zúráátlilikti arttırıw, zúráátlilikti ǵálleshilikte 100 centnerge shekem hám onnan joqarı jetkeriw baǵdarında mámleket tárepinen qollap-quwatlaw ilajları belgilendi.
Ǵálle jetistiriwshi fermer xojalıqların qarjılay qollap-quwatlaw maqsetinde 2026-jıl óniminen baslap ǵálleni óz qarjıları yamasa kommerciyalıq kreditler esabınan jetistirip, onı belgilengen tártipte birja sawdaları yamasa mámleketlik resurs ushın realizaciyalaǵan fermer xojalıqlarına ónim bahasınıń 10 procenti muǵdarında subsidiya beriliwi jolǵa qoyıldı. Sonıń nátiyjesinde wálayatta 2026-jılı kóplegen ǵálle jetistiriwshi fermer xojalıqları usı jeńillikten paydalanbaqta.
Jańa Ózbekstanımızdıń 2027-jılǵı úlken ǵálle qırmanın sheber diyqanlar, fermerler, suwshılar, agronom hám mexanizatorlar jáne tarawdıń pidayı ilimpazları, tájiriybeli qánigelerdiń mashaqatlı miynetleriniń esabınan jaratılatuǵının hámmemiz sezip turmız.
Qádirli fermerler!
Tarawdıń ilimpaz hám qánigeleriniń usınıslarına hám diyqanlardıń sózi menen aytqanda, "Jıl jılǵa uqsamaydı," búgingi kúnde ǵálle maydanların tárbiyalawda ózgeshe agrotexnikalıq ilajlardı ámelge asırıwdı dáwir tezligi talap etpekte. Sonnan:
Ǵállede joqarı hám sapalı zúráát alıwda barlıq agrotexnikalıq ilajlardı óz múddetleri hám normalarında, sistemalı túrde orınlawǵa tikkeley baylanıslı. Onda jerdi tayarlaw, tuqımdı sapalı egiw hám nállerdi tolıq óndirip alıwdan baslap, olardı ilimge tiykarlanǵan jańa intensiv usıllarda azıqlandırıw jáne sırtqı stress faktorlarınan isenimli qorǵawǵa shekemgi barlıq ilajlar bir-biri menen tıǵız baylanısqan birden-bir texnologiyalıq shınjırdı quraydı.
Ásirese, gúzgi vegetaciya dáwirinde ǵálle nállerin durıs tárbiyalaw ósimliktiń jedel ósiwi hám kepillikli mol zúráát jaratıw ushın bekkem tiykar esaplanadı.
Sol maqsette, atızıńızdaǵı maysalar 1-2 japıraq fazasınan baslap kremniy, bor kislotası hám aspirin sıyaqlı mikro tóginler menen japıraqtan azıqlandırıw usınıs etiledi. Bul mikro tóginler qollanılǵanda náller salamat hám kúshli rawajlanıp, qıstıń suwıqlarınan zıyansız shıǵadı.
Bunıń ushın hár bir fermer búginnen baslap, bir gektarına 250 grammnan 500 grammǵa shekem bor kislotası, 200-300 millilitr kremniy hám 500 millilitr aspirin ósip shıqqan maydanlarǵa sepseńiz qısta júdá jaqsı boladı, ónimdarlıqtı qısta da suwıqtan saqlaydı hám báhárde bir waqıttıń ózinde masaqlawǵa kirisedi.
Suwǵarılmaytuǵın maydanlarǵa ǵálle egken fermerler tárepinen de usı ilajdı ámelge asırıwdı usınıs etemiz.
Onıń ushın bolsa búginnen hár bir fermer xojalıǵınıń basshısı óziniń ǵálle atızında "Zarbdor bir oylik" járiyalawı kerek.
Áziz miynetkesh diyqan hám fermerler!
Buxara fermerleri keńesi prezidiumınıń aǵzaları, tiyisli taraw ilimpazları hám qánigeleri tárepinen ǵálle jetistiriwshi fermer xojalıqlarına hám klasterlerge 2027-jılı hár bir gektar ǵálleden 100 centnerden joqarı zúráát alıw ushın "Zarbdor bir oylik" járiyalap, tómendegi ilajlardı ámelge asırıwdı maqsetke muwapıq, dep esaplaymız:
birinshiden, hár bir fermer xojalıǵı tárepinen ǵálle maydanların jáne bir márte kórip shıǵıp, rawajlanıwınan artta qalıp atırǵan maydanlardı anıqlap alıń;
ekinshiden, qısqa múddette barlıq maydanlarǵa jeterli azotlı tóginler rezervin jaratıw hám keshki jáne artta qalıwshı ǵálle maydanların jaqsılaw maqsetinde gektarına 100-150 kg fosfor hám kaliy tóginleri menen azıqlandırıwdı shólkemlestirip, ǵálleden bereketli zúráát alıwǵa erisiw;
Úshinshiden, bir gektarǵa 250 grammnan 500 grammǵa shekem bor kislotası hám de 200-300 ml kremniy hám 500 mlgramm aspirindi ósip shıqqan maydanlarǵa sebiwdi shólkemlestiriń;
tórtinshiden, suwǵarılmaytuǵın maydanlarda ǵálle egiwdi usı jıldıń 25-noyabrine shekem tolıq juwmaqlań;
besinshiden, suwǵarılmaǵan ǵálle maydanlarında oq japlar aralıǵın 60-70 metrden alıw hám qısqa múddette jeńil suwǵarıwdı shólkemlestiriw;
altınshıdan, ǵálle maydanında jawınlatıp suwǵarıwdı jolǵa qoyıp, mámleket tárepinen beriletuǵın subsidiya qarjısın alıń hám ónimdarlıqtı hár gektarınan 10-12 centnerge arttırıń hám suwdı 35-45 procentke únemleń;
jetinshiden, keshki hám ónip shıqpaǵan ǵálle maydanlarına qurǵaq, shirigen jergilikli tógin sebiwdi shólkemlestiriń, bunda, noyabr – dekabr aylarında 5-10 tonnadan jergilikli tógin mólsherlep sebilgende topıraq mikroflorasın oyatadı, topıraqtıń ıssılıq sıyımlılıǵın arttırıp maysa hám tamırın suwıqtan saqlaydı. Eń áhmiyetlisi, topıraqqa tógin salınǵanda mikro hám makro tóginler jáne biostimulyatorlardıń jedel ózlestiriliwi hám nátiyjeliligi jáne de joqarı bolatuǵının esten shıǵarmań;
toǵızınshıdan, 10 kún múddette ǵawasha qatar aralarına egilgen maydanlardı ǵawasha paqalınan kesiwshi agregatlar járdeminde tazalaw, bunda ǵawasha paqalın qolda suwırıp alıwǵa jol qoymaw hámde ǵawasha paqalınan biochar qılıp qosımsha dáramat alıw;
toǵızınshıdan, hawa rayınıń qolaylı kúnlerinen paydalanıp, atız átirapların, ishki hám xojalıq salmaların tazalaw hám parallel túrde betonlastırıw jumısların juwmaqlaw;
onınshıdan, hár bir fermer xojalıǵınıń baslıǵı ǵálleshilik klaster kárxanaları menen birgelikte jumıslardı jáne de jedellestirip, ǵállege qosımsha azıqlıq berip, joqarıdaǵı ilajlardı ámelge asırıp, usı jılı ǵálle ónimin gektarına 100 centnerge shekem hám onnan joqarı jetkerip, joqarı dáramat alıwǵa erisiń.
on birinshi, Ózbekstan fermerleri keńesiniń múrájatında hámde Awıl xojalıǵı ministrliginiń Masaqlı dán eginlerin mikroelementli tóginler menen azıqlandırıw boyınsha usınısnamasında belgilengen wazıypalardı ámelge asırıwǵa shıǵaramız!
ESLETPE!
JUMÍSSHÍ ERITPENI TAYARLAW TÁRTIBI
Biostimulyatorlardı japıraqtan azıqlandırıwda tiykarınan dronlardan paydalanıw jaqsı nátiyje beredi.
1. Dron járdeminde sebiw ushın jumısshı eritpe tayarlaw:
3 gektar maydan ushın - 1 kg 200 gr Aspirin 10 litr ıssı suwda hám 750 gr Bor untaǵı 10 litr ıssı suwda óz aldına eritiledi. Dron bakine dáslep 5 litr ápiwayı suw quyılıp, keyin Aspirin hám Bor eritpeleri súzip quyıladı. Ústinen Kremniy qosılıp, ulıwma kólemi 30 litr bolǵansha suw menen toltırıladı.
2. Shtangalı purkagıshlar ushın jumıs yeritpe tayarlaw:
Bor kislotası (1 ga/250 gr): keminde 10-15 litr ıssı suwda óz aldına yeritip alınadı.
Kremniy ("Sila kremniy" mısalında 1 ga /300 gr): 10-15 litr suwda suyıltırıladı.
Aspirin (1 ga/400 gr): keminde 10-15 litr ıssı suwda (50-60°C) maydalanǵan halda shókpe qalmaǵansha aralastırıp eritiledi.
Tayar bolǵan eritpeler OVX hám VP búrkegiштерdiń bakine salınıp, 3-5 minut aralastırılıp, dán maydanlarına sebiledi.
SEBIW TEXNOLOGIYASÍ HÁM SHARAYATLARÍ
Ǵálle nállerin japıraqtan azıqlandırıwda tiykarınan dronlardan paydalanıw nátiyjeli esaplanadı. Onda, awır texnikalardıń atızǵa kiriwi topıraqtı tıǵızlaydı, nál hám tamırlardı zıyanlaydı. Sol sebepli dronlar járdeminde sebiledi.
Dronlar jetispeytuǵın sharayatlarda jáne topıraqtıń ıǵallıǵı 60 procentten tómen ǵálle maydanlarına shtangali búrkegiштерde islew beriledi.
Qayta islew múddeti: Samalsız kúnlerde, hawa temperaturası ortasha 10-12 C sebilgende nátiyjesi joqarı boladı. Qayta islewden keyin eritpe biyday maysalarına sorılıwın jaqsılaw ushın jeńil (1 ga/450-500 m3 suw menen) suwǵarıp alınadı.
FOSFORLI TÓGINLER JETISPEWSHILIGIN SAPLASTÍRÍW.
Gúzgi masaqlı dán eginlerin egiw ushın jer tayarlawda yamasa egiw menen birgelikte fosforlı tóginler az berilgen yamasa ulıwma berilmegen ǵálle maydanlarına quramında fosfor muǵdarı kóp bolǵan suyıq haldaǵı biostimulyatorlar menen gektarına keminde 2 litr esabında (1-2 hám 3-4 japıraq fazasında) hawa temperaturası 12-15
bolǵanda japıraqtan suspenziya usılında qollanıw zárúr. Bul azıqtıń japıraq arqalı 90-95% ke shekem sorılıwın támiyinlep, tamırdıń rawajlanıwın 2 esege kúsheytedi.
Áziz fermer hám diyqanlar!
Bársheńizdi joqarıdaǵı ilajlardı óz waqtında ámelge asırıwǵa shaqırıp, ekonomikamızdı kóteriwge, ana jurtımızdıń jáne de abat bolıwı ushın múnásip úlesińizdi qosıwǵa jáne "Áhmiyetli bir aylıq"ta ǵálleni óz múddetlerinde tárbiyalawǵa hám joqarı zúráát alıwǵa shaqıramız!
Taxtakópir rayon fermerler keńesi Prezidium aǵzaları
