Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 24-sessiyası bolıp ótti.
2026-10-20 18:10:00 / Jańalıqlar
Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 24-sessiyası bolıp ótti.
Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 24-sessiyası bolıp ótti.
Sessiya jumısında siyasiy partiyalar, rayon hákiminiń orınbasarları, mákeme, kárxana, shólkem basshıları hám jergilikli ǵalaba xabar qurallarınıń wákilleri qatnastı.
Sessiyanı Xalıq deputatları Taxtakópir rayonlıq Keńesiniń baslıǵı Reyov Allayar alıp bardı.
Sessiya kún tártibine muwapıq:
Birinshi másele Ózbekstan Respublikası Prezidentiniń 2026-jıl 5-yanvardaǵı "Respublika máhállelerinde qáwipsiz ortalıqtı jaratıw baǵdarında bir pútin mánzilli islesiw sistemasın engiziwge qaratılǵan qosımsha ilajlar haqqında"ǵı PQ-1-sanlı qararınıń orınlanıwı boyınsha.
Kún tártibindegi ekinshi másele Taxtakópir rayonı Ishki isler bólimi tárepinen 2026-jıldıń 9 ayı dawamında huqıqbuzarlıqlardıń aldın alıw hám olardıń profilaktikası, sonıń menen birge jámiyetlik qáwipsizlik hám korrupciyanıń aldın alıw boyınsha ámelge asırılǵan jumısları haqqında.
Kún tártibindegi úshinshi másele 2026-jıldıń 9 ayı dawamında Taxtakópir rayonı Shańaraq hám hayal-qızlar bólimi tárepinen ámelge asırılǵan jumısları boyınsha esabatı haqqında.
Kún tártibindegi tórtinshi másele Rayondaǵı sociallıq obektlerdiń 2026-2027-gúzgi-qısqı máwsimge tayarlıq jumıslarınıń barısı boyınsha.
Kún tártibindegi besinshi másele 2026-jıldıń 9 ayı dawamında Taxtakópir rayonı aymaǵında ayrıqsha jaǵdaylardıń aldın alıw baǵdarında ámelge asırılǵan jumısları haqqında.
Kún tártibindegi altınshı másele Ózbekstan Respublikası Prezidentiniń Taxtakópir rayonındaǵı Xalıq qabıllawxanasına 2026-jıldıń 9 ayı dawamında fizikalıq hám yuridikalıq shaxslardan kelip túsken múrájatlar hám mashqalalardı hár tárepleme talıqlaw haqqında.
Kún tártibindegi jetinshi másele Taxtakópir rayonındaǵı xalıqtıń sociallıq járdemge mútáj kategoriyaların 2027-jılı jumısqa jaylastırıw ushın jumıs orınlarınıń eń az sanın belgilew hám rezervke qoyıw haqqında.
Kún tártibindegi segizinshi másele Ózbekstan Respublikası Prezidentiniń 2024-jıl 4-oktyabrdegi PQ-347-sanlı "Kámbaǵallıqtı qısqartıw hám bántlik tarawında mámleketlik siyasattı jetilistiriw hám nátiyjelilikti arttırıw ilajları haqqında"ǵı qararınıń orınlanıwı haqqında.
Kún tártibindegi toǵızınshı másele Rayonda 2026-2027-jıl gúzgi-qısqı máwsimin zıyansız ótkeriw maqsetinde "Taxtakwpirtumangaz" gaz támiynatı bólimi tárepinen ámelge asırılǵan jumıslar haqqında.
Kún tártibindegi onınshı másele Rayonda 2026-2027-jıl gúzgi-qısqı máwsimin zıyansız ótkeriw maqsetinde rayonlıq elektr támiyinlew kárxanası tárepinen ámelge asırılǵan jumıslar haqqında.
Kún tártibindegi on birinshi másele Ózbekstan Respublikası Prezidentiniń 2026-jıl 5-fevraldaǵı "Kóp kvartiralı úylerdi basqarıw sistemasın bunnan bılay da jetilistiriw boyınsha qosımsha ilajlar haqqında"ǵı PQ-48-sanlı qararınıń rayonda orınlaw boyınsha.
Kún tártibindegi on ekinshi másele Taxtakópir rayonı jergilikli byudjetiniń 2026-jıldıń II sheregi dáramatlar rejesiniń artıq orınlanǵan bólegi esabınan 101 591 000 (bir júz bir million bes júz toqsan bir mıń) swm qarjı ajıratıw haqqında.
Kún tártibindegi on úshinshi másele Xalıq deputatları Taxtakópir rayonlıq Keńesi deputatlarınıń 2026-jıldıń III sheregi dawamında alıp barǵan jumısları haqqında óz okruglerinde saylawshılarǵa esabat beriw rejesin tastıyıqlaw haqqındaǵı máseleleri kórip shıǵıldı.
Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.