Ózbekstanda biznesti dizimge alıw ilajı baslandı
2026-10-19 12:25:00 / Jańalıqlar
Ózbekstanda biznesti dizimge alıw ilajı baslandı
15-oktyabrden mámleketimizde biznesti dizimge alıw ilajı baslandı.
Bul ilaj Ózbekstan Respublikası Prezidentiniń 2026-jıl 10-sentyabrdegi PP-190-sanlı Pármanına muwapıq, usı jıldıń 15-oktyabr sánesinen 30-noyabr sánesine shekem ótkeriledi.
🔵 Dizimge alıw procesinde tómendegi ekonomikalıq birlikler qamtıp alınadı:
🔹 iri, orta hám kishi kárxanalar, mikrofirmalar;
🔹 mámleketlik emes kommerciyalıq emes shólkemler;
🔹 shet el kárxanalarınıń turaqlı mákemeleri hám wákilxanaları;
🔹 jeke tártiptegi isbilermenler;
🔹 fermer hám diyqan xojalıqları;
🔹 shańaraqlıq isbilermenler hám ónermentler;
🔹 ózin-ózi bánt etken shaxslar;
🔹 dizimnen ótpesten ekonomikalıq xızmet kórsetip atırǵan basqa ekonomikalıq birlikler.
Dizimge alıw procesinde qanday maǵlıwmatlar toplanadı?
Ekonomikalıq birliklerdiń ámeldegi jumıs mánzili, tiykarǵı hám qosımsha jumıs túrleri, bántlik jaǵdayı, óndiris hám xızmet kórsetiw, internet hám elektron sawdadan paydalanıw, eksport-import hám basqa da áhmiyetli ekonomikalıq kórsetkishler úyreniledi.
📱 Dizimge alıw qalay ótkeriledi?
Dizimge alıwshı xızmetkerler ekonomikalıq birliklerdiń jumıs orınlarına barıp, respondentler menen júzbe-júz sáwbet ótkeredi hám maǵlıwmatlardı planshet qurılmaları arqalı elektron sorawnamaǵa kirgizedi
Sonday-aq, ózin-ózi bánt etken shaxslar ushın census.stat.uz málimleme sisteması arqalı erkin onlayn dizimnen ótiw imkaniyatı da bar.
🔐 Áhmiyetli! Biznesti dizimge alıw tekseriw yamasa qadaǵalaw ilajı emes. Usınılǵan maǵlıwmatlardıń sırlılıǵı nızamshılıq penen kepillenedi.
📞 Dizimge alıw boyınsha sorawlar boyınsha 1851 qısqa nomerli call-orayına múrájat etiw múmkin.
✅ Biznesti dizimge alıw nátiyjeleri mámleketimiz ekonomikasınıń haqıyqıy jaǵdayın bahalaw, isbilermenlikti qollap-quwatlaw, aymaqlardı rawajlandırıw hám mánzilli qararlar qabıl etiw ushın áhmiyetli málimleme dáregi boladı.
Húrmetli isbilermenler! Bársheńizdi dizimge alıw procesinde belsene qatnasıwǵa hám jumısıńız haqqında anıq, isenimli maǵlıwmatlardı usınıwǵa shaqıramız.
Hár bir maǵlıwmat rawajlanıw ushın xızmet etedi!