Jizzax wálayatı delegaciyası Taxtakópir rayonında
2026-10-02 19:05:00 / Jańalıqlar
Jizzax wálayatı delegaciyası Taxtakópir rayonında
Búgin Jizzaq wálayatı hákiminiń birinshi orınbasarı Z.Azimov basshılıǵında Jizzax wálayatı hám onıń rayonlarınan tiyisli taraw wákillerden ibarat delegaciya aǵzaları Taxtakópir rayonına keldi.
Sapar dawamında Taxtakópir rayonı hákimliginde rayon hákimi J.Adilov qatnasıwında májilis bolıp ótti. Onda rayondı sociallıq-ekonomikalıq rawajlandırıw, xalıqtıń bántligin támiyinlew, kámbaǵallıqtı qısqartıw, isbilermenlikti rawajlandırıw, investiciyalardı tartıw hám jańa keleshegi bar joybarlardı ámelge asırıw máseleleri dodalandı.
Sonday-aq, rayonı kompleksli rawajlandırıw, keleshegi bar joybarlardı islep shıǵıw hám olardı ámelge asırıw, bar mashqalalardı saplastırıw, belgilep berilgen wazıypalardıń orınlanıwın támiyinlew boyınsha tiyisli taraw hám shólkem basshılarına anıq tapsırmalar berildi.
Ushırasıw dawamında Jizzax wálayatı hám rayonlarınıń bul baǵdardaǵı tájiriybesin úyreniw, óz-ara birge islesiwdi bekkemlew, bar imkaniyatlardan nátiyjeli paydalanıw hám belgilengen ilajlardıń nátiyjeli ámelge asırılıwın támiyinlew máselelerine de ayrıqsha itibar qaratıldı.