Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 22-sessiyası bolıp ótti.
2026-07-21 21:50:00 / Jańalıqlar
Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 22-sessiyası bolıp ótti.
Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 22-sessiyası bolıp ótti.
Sessiya jumısında siyasiy partiyalar, rayon hákiminiń orınbasarları, mákeme, kárxana, shólkem basshıları hám jergilikli ǵalaba xabar qurallarınıń wákilleri qatnastı.
Sessiyanı Xalıq deputatları Taxtakópir rayonlıq Keńesiniń baslıǵı Reyov Allayar alıp bardı.
Sessiya kún tártibine muwapıq:
1. Taxtakópir rayonı aymaǵında ayrıqsha jaǵdaylardıń aldın alıw baǵdarında 2026-jıldıń 6 ayı dawamında ámelge asırılǵan jumıslar haqqında.
2. Taxtakópir rayonı prokurorınıń Ózbekstan Respublikası Prezidentiniń 2026-jıl 5-yanvardaǵı PQ-1-sanlı qararınıń orınlanıwı boyınsha rayonda alıp barılıp atırǵan jumıslar haqqındaǵı málimlemesi.
3. Taxtakópir rayonı Ishki isler bólimi tárepinen 2026-jıldıń 6 ayı dawamında jınayatshılıqqa qarsı gúresiw, huqıqbuzarlıqlardıń aldın alıw, jámiyetlik tártipti saqlaw hám puqaralardıń qáwipsizligin támiyinlew baǵdarında ámelge asırılǵan jumıslar haqqında.
4. Taxtakópir rayonı Salıq inspekciyası tárepinen jergilikli byudjet dáramatlarınıń orınlanıw jaǵdayı, esaplanǵan salıqlar hám basqada májbúriy tólemlerdiń ámelde tólengenligi, sonday-aq salıq qarızdarlıǵı haqqında.
5. Taxtakópir rayonı aymaǵında rekonstrukciya qılınatuǵın kanallar hám suwǵarıw tarmaqlarınıń mánzilli dizimin tastıyıqlaw haqqında.
6. Taxtakópir rayonı «Qaraoy» APJ aymaǵında jaylasqan 1 gektar jer maydanına qurılǵan ıssıxananı (teplicanı) rayon hákimligi menen óz-ara shártnama tiykarında rayonlıq Abadanlastırıw basqarmasına ijara huqıqı menen beriw haqqında.
7. Taxtakópir rayonı ádillik bólimi tárepinen 2026-jıldıń 6 ayı dawamında mámleketlik uyımlar hám shólkemlerdiń norma dóretiwshiligi jumısları hám huqıqtı qollanıw ámeliyatınıń jaǵdayı haqqında.
8. Taxtakópir rayonı jergilikli byudjetiniń 2026-jıldıń I sheregi dawamında dáramatlar rejesiniń orınlanıwı hám artıq orınlanǵan bólegi esabınan anıqlanǵan qarjılardıń jumsalıw jónelisleri haqqında.
9. Ózbekstan Respublikası Prezidentiniń Taxtakópir rayonındaǵı Xalıq qabıllawxanasına 2026-jıldıń 6 ayı dawamında fizikalıq hám yuridikalıq shaxslardan kelip túsken múrájatlar hám mashqalalardı hár tárepleme talıqlaw haqqında.
10. Taxtakópir rayonı hákimliginde 2026-jıldıń 6 ayı dawamında nızamshılıq hújjetleriniń óz waqtında orınlanıwın támiyinlew hám atqarıw tártibine ámel etiw jaǵdayı haqqında.
11. Taxtakópir rayonı jergilikli byudjetiniń 2026-jıldıń I sheregi dáramatlar rejesiniń artıq orınlanǵan bólegi esabınan jalpı 256 807 180 swm qarjı ajıratıw haqqında.
12. Taxtakópir rayonı jergilikli byudjetiniń 2026-jıl 1-yanvar jaǵdayına qáliplesken erkin qaldıq qarjıları esabınan «Qostruba» máhállesindegi imárattı qayta rekonstrukciya qılıw ushın 151 000 000 swm qarjı ajıratıw haqqında.
13. Xalıq deputatları Taxtakópir rayonlıq Keńesi hám turaqlı komissiyalarınıń 2026-jıldıń II yarım jıllıǵına mólsherlengen is-rejelerin tastıyıqlaw haqqındaǵı máseleleri kórip shıǵıldı.
Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.