Taxtakópir rayonı hákimi J.Adilov, rayonlıq IIB baslıǵı M.Bawetdinov penen birgelikte «Ózbekstan» mákan puqaralar jıyını aymaǵında puqaralar menen ushırasıp, olardıń múrájatları, pikir hám usınısların tıńlaw maqsetinde gezektegi kóshpeli qabıllawın ótkerd
2026-05-05 12:25:00 / Jańalıqlar
#Kóshpeli_qabıllaw
Búgin Taxtakópir rayonı hákimi J.Adilov, rayonlıq IIB baslıǵı M.Bawetdinov penen birgelikte «Ózbekstan» mákan puqaralar jıyını aymaǵında puqaralar menen ushırasıp, olardıń múrájatları, pikir hám usınısların tıńlaw maqsetinde gezektegi kóshpeli qabıllawın ótkerdi.
Qabıllaw dawamında aymaq turǵınlarınıń túrli tarawlarǵa baylanıslı mashqalaları menen bir qatarda pikir-usınısları tıńlandı. Múrájatlarda tiykarınan ishki jollardı ońlaw, elektr tarmaqların jańalaw hám basqa da máhálle infrastrukturasın jaqsılawǵa qaratılǵan áhmiyetli máseleler kóterildi.
Sonday-aq, máhállede jınayatshılıq hám huqıqbuzarlıqlardıń aldın alıw, jaslar arasında huqıqıy mádeniyattı arttırıwǵa qaratılǵan túsinik jumısları da alıp barıldı.
Qabıllaw juwmaǵında kelip túsken múrájatlardı belgilengen múddetlerde úyrenip shıǵıw hám olardıń orınlanıwın támiyinlew boyınsha tiyisli taraw juwapkerlerine anıq wazıypalar júklendi.