Qaraqalpaqstan Respublikası Taxtakópir rayonı hákimligi

Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 20-sessiyası bolıp ótti.

Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi 20-sessiyası bolıp ótti.

Sessiya jumısında siyasiy partiyalar, rayon hákiminiń orınbasarları, mákeme, kárxana, shólkem basshıları hám jergilikli ǵalaba xabar qurallarınıń wákilleri qatnastı.

Sessiyanı Xalıq deputatları Taxtakópir rayonlıq Keńesiniń baslıǵı Reyov Allayar alıp bardı.

Sessiya kún tártibine muwapıq:

1. Máhállelerdi rawajlandırıw hám jámiyetti jetilistiriw" jılı baǵdarlaması, "Ózbekstan - 2030" strategiyasınıń Taxtakópir rayonındaǵı orınlanıwı haqqında.

2. Ózbekstan Respublikası Prezidentiniń 2025-jıl 30-may kúngi “Jasıl mákan” ulıwma milliy joybar sheńberinde hám toǵaylardı basqarıw sistemasında reformalardı izbe-iz dawam ettiriw, jasıl aymaqlardı keńeytiw ilajları haqqında”ǵı PF-90-sanlı Pármanınıń Taxtakópir rayonında orınlanıwı haqqında.

3. Taxtakópir rayonı Shańaraq hám hayal-qızlar bólimi tárepinen 2026-jıldıń I sheregi dawamında ámelge asırılǵan jumısları haqqında.

4. Ózbekstan Respublikası Prezidentiniń Taxtakópir rayonındaǵı Xalıq qabıllawxanasına 2026-jıldıń I sheregi dawamında fizikalıq hám yuridikalıq shaxslardan kelip túsken múrájatlar hám mashqalalardı hár tárepleme talıqlaw tuwralı.

5. Taxtakópir rayonındaǵı fermer xojalıqları, klasterler hám basqa da suw tutınıwshılarına 2026-jıl vegetaciya dáwirinde ajıratılǵan suw limiti hám haqıyqıy alınatuǵın suw múǵdarın tastıyıqlaw haqqında.

6. Ózbekstan Respublikası Prezidentiniń 2026-jıl 5-fevraldaǵı "Suw resurslarınan paydalanıw nátiyjeliligin arttırıw boyınsha qosımsha ilajlar haqqında"ǵı PQ-47-sanlı qararınıń Taxtakópir rayonında orınlanıwı haqqında.

7. Taxtakópir rayonı jaslar isleri bólimi tárepinen 2026-jıl dawamında ilajlardı joqarı dárejede shólkemlestiriw hám ótkeriw boyınsha kalendar rejege tiykar talap etiletin qarjıların tastıyıqlaw haqqında.

8. Taxtakópir rayonı jergilikli byudjetiniń 2026-jıldıń I sheregi dáramatlar rejesiniń artıqsha orınlanǵan bólegi esabınan  qarjılardı ajıratıw haqqında.
9. Xalıq deputatları Taxtakópir rayonlıq Keńesiniń 2024-jıl 5-iyul kúngi VI-82-105-13-189-K/24-sanlı, VI-82-106-13-189-K/24-sanlı hám de VI-82-107-13-189-K/24-sanlı sheshimleriniń qosımshalarına ózgeris kirgiziw haqqındaǵı máseleleri kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.

https://www.facebook.com/share/v/1Ban2B6RkG/