Taxtakópir rayonında futbol boyınsha "Mámleketlik qáwipsizlik xızmeti kubogi" oyınlarına start berildi
2026-04-18 18:10:00 / Jańalıqlar
Taxtakópir rayonında futbol boyınsha "Mámleketlik qáwipsizlik xızmeti kubogi" oyınlarına start berildi
Búgin Taxtakópir rayonında sporttıń futbol hám kishi futbol túri boyınsha «Mámleketlik qáwipsizlik xızmeti kubogi» jarıslarınıń rayonlıq basqıshınıń ashılıw saltanatı bolıp ótti.
Jarıstıń ashılıw máresiminde rayon hákimi J.Adilov, Mámleketlik qáwipsizlik xızmeti rayonlıq bóliminiń baslıǵı I.Kalandarov, rayon prokurorı orınbasarı T.Meńlimuratov, IIB baslıǵı M.Bawetdinov, nuranıylar hám jaslar qatnastı. Ilajda shıǵıp sóylegenler jas sportshılarǵa aldaǵı oyınlarda áwmet tilep, bul jarıs jaslardı sportqa keńnen tartıw, salamat turmıs tárizin qáliplestiriwde áhmiyetli orın iyeleytuǵının atap ótti.
Bunnan soń, hár bir máhálleden kelgen 17 komanda 4 toparǵa bólinip, dáslepki ushırasıwlarǵa start berildi.
Futbol jarıslarınıń rayonlıq basqıshı aprel-may ayları dawamında ótkerilip, jeńimpaz komandalar keyingi basqıshqa jollama aladı. Jarıstıń rayonlıq basqıshına 450 den aslam máhálle jasların qamtıp alıw rejelestirilgen.