Taxtakópir rayonında "Bes baslama paralimpiadası"nıń rayonlıq basqıshı bolıp ótti
2026-04-20 12:45:00 / Jańalıqlar
Taxtakópir rayonında "Bes baslama paralimpiadası"nıń rayonlıq basqıshı bolıp ótti
Taxtakópir rayonı “Ǵárezsizlik” máhállesinde jaylanqan 6-sanlı mektepte máhállelerdegi mayıplıǵı bolǵan puqaralar arasında "Bes baslama paralimpiadası"nıń rayonlıq basqıshı ótkerildi.
Bul sport ilajında para jeńil atletika, para stol tennisi, shaxmat, armrestling hám badminton baǵdarları boyınsha jarıslar ótkerildi. Onda rayondaǵı barlıq máhállelerden mayıplıǵı bolǵan puqaralar qatnasıp, óz-ara qızǵın bellesiwler alıp bardı.
Jarıs juwmaǵında jeńimpazlar hám belsendi qatnasıwshılar shólkemlestiriwshiler tárepinen sport kiyimleri, diplom hám estelik sawǵaları menen sıylıqlandı.
Bul ilaj mayıplıǵı bolǵan shaxslar arasında sporttı ǵalaba en jaydırıw, olardıń sociallıq belsendiligin arttırıw hám salamat turmıs tárizin úgit-násiyatlawda úlken áhmiyetke iye.