2026-jıl dawamında puqaralardıń múrájatları menen islesiw boyınsha alıp barılǵan jumıslar haqqında Taxtakópir rayonı hákimi J.Adilovtıń xalıqqa múrájatı
2026-03-30 20:05:00 / Jańalıqlar
2026-jıl dawamında puqaralardıń múrájatları menen islesiw boyınsha alıp barılǵan jumıslar haqqında Taxtakópir rayonı hákimi J.Adilovtıń xalıqqa múrájatı
Ózbekstan Respublikası Prezidentiniń 2019-jıl 17-yanvardaǵı PF-5633-sanlı «Xalıqtıń mashqalaları menen islesiw sistemasın jáne de jetilistiriw is ilajları haqqında»ǵı Pármanı tiykarında puqaralardıń mashqalalarınıń unamlı sheshimin tabıw boyınsha jumıslar jolǵa qoyılǵan.
Ózbekstan Respublikası Prezidentiniń virtual hám de Xalıq qabıllawxanasına Taxtakópir rayonında jasawshı puqaralardan 2026-jıl dawamında jámi 163 múrájat kelip túsken bolıp, sonnan 70 múrájat unamlı sheshilgen bolsa, 68 múrájatqa huqıqıy túsinikler berilgen, qalǵan 25 múrájat boyınsha úyreniw jumısları dawam etip atır.
Búgingi kúnde kelip túsip atırǵan múrájatlardıń basım kópshiligi jumıs penen támiyinlew hám materiallıq járdem máseleleri bolıp esaplanadı. Bul múrájatlardı unamlı sheshiw hám xalıqtı turaqlı dáramat deregi menen támiyinlew maqsetinde bir qansha jumıslar ámelge asırılmaqta.
Atap aytqanda, Ózbekstan Respublikası Prezidentiniń 2026-jıl 5-fevral kúngi PQ-49-sanlı qararına tiykar, Taxtakópir rayonında xalıqtıń bántligin támiyinlew hám jańa jumıs orınların jaratıw maqsetinde jámi 5 229 jumıs orınları reje etip belgilep alınǵan bolıp sonnan:
- xalıqtı turaqlı jumıs orınlarına jaylastırıw esabınan 1128 jumıs ornı;
- puqaralardı dáramatın asırıwǵa qaratılǵan xızmetler menen qamtıp alıw arqalı 3256 jumıs ornı;
- narásmiy jumıs orınların legallastırıw esabınan 845 jańa jumıs orınları jaratıladı.
- Sonıń menen birge, «Shańaraqlıq isbilermenlikti rawajlandırıw»da 14,2 mlrd. swmlıq jeńilletilgen kreditlerdi ajıratıw esabınan 709 dan artıq puqaralardıń bántligi támiyinlenedi.
Sonday-aq, usı jılı 340 mlrd 968 mln swmlıq 9 investiciya joybarı ámelge asırılıwı nátiyjesinde 228 jumıs ornı jaratılıwına erisiledi.
Bunnan tısqarı, Ózbekstan Respublikası Prezidentiniń 2026-jıl 5-fevral kúngi
49-sanlı qararına tiykar, rayon aymaǵındaǵı awır máhálleler qatarına kirgizilgen
8 máhálle aymaǵında jámi 24 mlrd. swmlıq qurılıs-ońlaw hám abadanlastırıw jumısların ámelge asırıw belgilengen, sonday-aq, máhálledegi járdemge mútáj xojalıqlardı materiallıq jaqtan qollap-quwatlawdı shólkemlestiriw maqsetinde usı awır máhállelerge quyash fotoelektrostanciyasın qurıw rejelestirilmekte (hár bir máhállege 300 kVt).
Ishki jollardı jaqsılawǵa qaratılǵan baǵdarlamalar sheńberinde Ministrler Kabinetiniń 2024-jıl 11-oktyabr kúngi 665-sanlı qararına tiykar 2026-jılda rayon aymaǵında jámi 24 km. ishki jollardı ońlaw belgilengen bolıp, búgingi kúnde mánzilli dizimi tastıyıqlanıp, orınlawǵa qaratıldı.
Húrmetli Prezidentimizdiń baslaması menen sociallıq qorǵawǵa mútáj shańaraqlardı hár tárepleme qollap quwatlaw boyınsha "Ramazan - miyrim-shápáát, awızbirshilik hám shúkirshilik ayı" súreni astında keń kólemli kompleksli baǵdarlama ámelge asırıldı.
Ózbekstan Respublikası Prezidentiniń 2026-jıl 17-fevral kúngi "Múbárek Ramazan ayında xalıqtıń járdemge mútáj qatlamların mámleket tárepinen sociallıq qollap-quwatlaw ilajları haqqında"ǵı 67-sanlı qararı tiykarında rayonımızda jasawshı sociallıq reestrge kiritilgen 900 den aslam shańaraqqa 675 million swmlıq materiallıq járdemler ajıratılıp berildi.
Materiallıq járdem kórsetiw procesi ashıq-aydınlıq hám mánzillilik principleri tiykarında dawam ettirilmekte.
Sonıń menen birgelikte rayon hákimi tárepinen ótkerilgen kóshpeli qabıllawlar hám de múrájatlardıń unamlı sheshimin tabıw boyınsha alıp barılıp atırǵan jumıslar rayon hákimliginiń sociallıq tarmaqlarında, rayonlıq “Taxtakópir tańı” gazetasında járiyalap barıw jolǵa qoyıldı.
Xalıqtıń búgingi kúndegi mashqalaların anıqlaw hám bul mashqalalardı unamlı sheshiw, ásirese xalıqtıń járdemge mútáj bolǵan qatlamındaǵı shańaraqlardıń jaǵdaylarınan xabar alıw hám olardıń mútájliklerin qanaatlandırıwda rayon hákimligi tárepinen aldaǵı waqıtları da jumıslar dawam ettiriledi.