🌸 Bayram múnásibeti menen rayonlıq Medicina birlespesinde emlenip atırǵan analar hám jas balalı hayallardıń halınan xabar alındı
2026-03-07 16:30:00 / Jańalıqlar
🌸 Bayram múnásibeti menen rayonlıq Medicina birlespesinde emlenip atırǵan analar hám jas balalı hayallardıń halınan xabar alındı
8-mart - Xalıqaralıq hayal-qızlar kúni múnásibeti menen Taxtakópir rayonı hákiminiń orınbasarı, Shańaraq hám hayal-qızlar bóliminiń baslıǵı G.Seytnazarova rayonlıq Medicinalıq birlespesine barıp, ol jerde emlenip atırǵan kekse analar hám jaqında perzentli bolǵan jas analardıń halınan xabar aldı.
Ushırasıw dawamında nawqaslar menen qızǵın sáwbet qurılıp, olardıń densawlıǵı, sharayatı hám keypiyatı menen qızıqsındı. Sonday-aq, bayram múnásibeti menen olarǵa jaqsı tilekler bildirilip, bayram sawǵaları tapsırıldı.
Bunday itibar hám ǵamqorlıq watanlaslarımız, ásirese, hayal-qızlarımızǵa bolǵan húrmettiń jáne bir kórinisi boldı.