Qaraqalpaqstan Respublikası Taxtakópir rayonı hákimligi

"Ájayıp maydan" intellektual oyınınıń juwmaqlawshı basqıshı bolıp ótti

Taxtakópir rayonı Shańaraq hám hayal-qızlar bólimi hám rayonlıq Mádeniyat bólimi baslaması menen mámleketlik hám jámiyetlik turmısta belsendilik kórsetip kiyatırǵan hayal-qızlardıń qatnasıwında shólkemlestirilgen "Ájayıp maydan" intellektuallıq oyınınıń juwmaqlawshı basqıshı bolıp ótti.

Bul intellektuallıq oyınnıń juwmaqlawshı basqıshında rayondaǵı túrli tarawlarda jumıs alıp barıp atırǵan hayal-qızlar qatnasıp, ózleriniń bilim hám potencialın sınaqtan ótkerdi. Qızǵın hám mawasasız ótken bellesiwler dawamında qatnasıwshılar hár qıylı sorawlarǵa juwap berip, ózleriniń bilimdanlıǵı, jedel pikirlewi hám ziyrekligin kórsetti.

Intellektuallıq oyın juwmaǵında rayonlıq Mádeniyat bólimi xızmetkeri Tamara Patullaeva eń belsendi hám bilimli qatnasıwshı sıpatında jeńimpaz dep tabıldı.

Ilaj sońında jeńimpaz hám barlıq qatnasıwshılar shólkemlestiriwshiler tárepinen sawǵalar menen sıylıqlandı. Bul intellektuallıq oyın hayal-qızlardıń sociallıq belsendiligin arttırıw, olardıń bilim hám potencialın qollap-quwatlawǵa xızmet etetuǵını menen áhmiyetli boldı.