Qaraqalpaqstan Respublikası Taxtakópir rayonı hákimligi

Ózbekstan gúres federaciyasınıń wákilleri Taxtakópir rayonı sport mektebinde boldı

Búgin Ózbekstan gúres federaciyası baslıǵınıń Sport máseleleri boyınsha orınbasarı Uyǵun Umarov ısshı topar aǵzaları menen birgelikte Taxtakópir rayonı sport mektebinde bolıp, jas sportshılar menen ushırastı hám olardıń shınıǵıw procesi menen jaqınnan tanıstı.

Sport mektebinde sportshılardı shınıǵıwlarǵa tartıw, olardıń fizikalıq tayarlıǵın hám texnikalıq kónlikpelerin rawajlandırıw boyınsha bar imkaniyatları kórip shıǵıldı. Ísshı topar aǵzaları jaslardıń sportqa qızıǵıwshılıǵın arttırıw, olardıń salamatlıǵın bekkemlew hám milliy sport túrlerin ǵalaba en jaydırıw máselelerine ayrıqsha itibar qarattı.

Sonday-aq, sport mektebi trenerleri menen sáwbetlesiw dawamında shınıǵıwlardıń nátiyjeliligin arttırıw, zamanagóy metodika hám usıllardı qollanıw, jas sportshılardı jarıslarǵa tayarlaw procesin jetilistiriw zárúr ekenligi ayrıqsha atap ótildi.