Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi on jetinshi sessiyası bolıp ótti.

Sessiya jumısına siyasiy partiyalar, rayondaǵı mákeme, kárxana, shólkem basshıları hám jergilikli ǵalaba xabar quralları wákilleri qatnastı.

Sessiyanı Xalıq deputatları rayonlıq Keńesi baslıǵı Reyov Allayar alıp bardı.

Sessiya kún tártibine muwapıq:

- Taxtakópir rayonı prokuraturası tárepinen nızamshılıqtı bekkemlew, puqaralardıń huqıq hám erkinliklerin, jámiyet hám mámleketimizdiń nızam menen belgilengen máplerin qorģaw, jınayatshılıqqa qarsı gúresiw hám huqıqbuzarlıq profilaktikası boyınsha 2025-jıldıń 12 ayı dawamında ámelge asırılģan jumısları haqqında;

- 2025-jıldıń 12 ayı dawamında Taxtakópir rayonı prokuraturası tárepinen Ózbekstan Respublikası Prezidentiniń 2025-jıl 3-yanvardaģı PQ-1-sanlı qararınıń orınlanıwı boyınsha rayon aymaģında ámelge asırılģan jumısları haqqında;

- Taxtakópir rayonı Ishki isler bólimi tárepinen 2025-jıldıń 12 ayı dawamında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlew boyınsha ámelge asırılģan jumısları haqqında;
- Taxtakópir rayonlıq Medicina birlespesi tárepinen xalıqqa medicinalıq járdem kórsetiw hám medicinalıq xızmet sapasın jaqsılaw boyınsha 2025-jıldıń 12 ayı dawamında ámelge asırılģan jumısları haqqında;

- Ózbekstan Respublikası Prezidentiniń Taxtakópir rayonındaģı Xalıq qabıllawxanasına 2025-jıl dawamında fizikalıq hám yuridikalıq shaxslardan kelip túsken múrájatlar hám mashqalalardı hár tárepleme talıqlaw haqqında;

- 2025-jıl dawamında “Baslamalı byudjet” processi jámiyetshilik pikiri tiykarında qáliplesken ilajlar boyınsha ámelge asırılģan jumıslar haqqında;

 - Xalıq deputatları Taxtakópir rayonlıq Keńesiniń hám turaqlıkomissiyalarınıń 2025-jıldıń I yarım jıllıģına mólsherlengen is-rejelerin tastıyıqlaw haqqındaǵı máseleleri kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.